Ukulongana kwa Mulimo Ukwa October
Umulungu wa Kutampa October 7
Ulwimbo 47
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Landeni pali lipoti wa mulimo wa mwi bala uwa July uwa Zambia no wa cilonganino cenu.
15 min: Umukululo wa Fipusho. Kangalila wa mulimo nelyo eluda umbi uwafikapo alanshanya ifyebo ne bumba lyonse.
20 min: “Ipekanishisheni Imipeelele Yenu mwe Bene iya Bamagazini.” (Amaparagrafu 1-7) Ipusheni ifipusho pa maparagrafu 1-4, kabili lyene kwateni ifilangililo fibili nelyo fitatu ukulangilila fintu bamagazini ba ndakai bengatambikwa, ukubomfya imitubululo ili mu maparagrafu 5-7. Sanshenimo ukulandapo ukufuma mu Ulupungu lwa kwa Kalinda ulwa March 1, 1987, ibula 17, amaparagrafu 8-9.
Ulwimbo 222 ne pepo lya kusondwelela.
Umulungu wa Kutampa October 14
Ulwimbo 39
10 min: Ukubilisha kwa pa mwenu. Lipoti wa ndalama.
15 min: “Ukushimikila Imbila Nsuma Iyawamisha.” Ifipusho ne fyasuko. Londololeni ifipande fimo ifyakatama ifyo fyamoneka mu Ulupungu lwa kwa Kalinda.—Moneni Ulupungu lwa kwa Kalinda ulwa March 1, 1987, ibula 13.
20 min: “Ipekanishisheni Imipeelele Yenu mwe Bene iya Bamagazini.” (Amaparagrafu 8-11) Ifipusho ne fyasuko. Sanshenimo ukulandapo pa mitubululo ine mu Ulupungu lwa kwa Kalinda ulwa January 1, 1994, amabula 24-5, amaparagrafu 18-21. Ukubomfya bamagazini ba October, langilileni ifya kupekanya imipeelele: (1) saleni icipande icilemoneka ifyo cikacebusha ubuseko mu cifulo cenu ica kubombelamo, (2) fwayenimo icishinka ca kulenga ubuseko ica kubomfya, (3) pangeni icipusho ico cingabomfiwa ku kulanda pali ico cishinka, (4) saleni ilembo lya kubelenga nga mwapeelwa ishuko, kabili (5) pekanyeni amashiwi ya kutendekelako na fintu mukasosa pa lwa magazini pa kuti mwingakoselesha mwine ŋanda ukuupokelela. Ipusheni bakasabankanya bafikapo babili nelyo batatu ukulangilila imipeelele. Sanshenimo umusepela uukalangilila ukutambika magazini mu nshila yayanguka.
Ulwimbo 82 ne pepo lya kusondwelela.
Umulungu wa Kutampa October 21
Ulwimbo 169
15 min: Ukubilisha kwa pa mwenu. Londololeni ifya kutendeka impito ya magazini: (1) Lembeni magazini mwashalika umo umo ne cipande mwalanshanyapo, (2) tantikeni ukubwelelako na bamagazini bakonkelepo, kabili (3) lubuleniko inshita mu kutantika kwenu ukwa mulimo wa mwi bala ukwa cila mulungu kuli uku kutandala. Tambikeni ukulembesha kabili ibukisheni ukucita lipoti impito ya magazini imo imo pamo nga icipempu ca kubwelelamo.
15 min: “Shimikisheni mu Cifulo Cenu ica Kubombelamo.” Lanshanyeni icipande ne fili imitantikile ya pa cilonganino iya kubombela mu fifulo fya makwebo. Ipusheni ibumba ukushimika ifya kukumanya fya kukoselesha ifyo baipakishe lintu babombele mu matuuka yasanshiwa mu cifulo cabo ica kubombelamo.
15 min: Ukukabila kwa pa mwenu. Nelyo ilyashi na eluda pa cipande cileti “Sungilila Ukucetekela Kobe Ukwashangila Ukufika na ku Mpela,” ukufuma mu Ulupungu lwa kwa Kalinda ulwa May 1, 1996 amabula 21-4.
Ulwimbo 12 ne pepo lya kusondwelela.
Umulungu wa Kutampa October 28
Ulwimbo 27
10 min: Ukubilisha kwa pa mwenu. Mu kuba na holide akabako mu December, nakalimo ukusuminisha inshita ya kutuusha ukufuma ku ncito na ku sukulu, koselesheni bonse ukutontonkanya pa lwa kulembeshako nga bapainiya ba kwafwilisha. Cincisheni bonse ukutuma amalipoti ya mulimo wa mwi bala aya October ino mpela ya mulungu.
20 min: “Ukubomba na Bamagazini ne Fitabo mu Cilonganino.” Ifipusho ne fyasuko. Belengeni amaparagrafu yonse.
15 min: Pitulukeni mu Lupapulo lwa Kutambika mu November. Icitabo ca Ukwishiba e cikalatambikwa, kabili kukabako ukubombesha kukalamba ukwa kubwelela konse ukwashalikwa ifitabo, mu kuba no buyo bwa kutendeka amasambililo ya Baibolo aya mu ŋanda. Bakasabankanya babili nelyo batatu balanshanya ubucindami bwa ici citabo na fintu cingabomfiwa. Ifyebo fyabamo fyambukila ubumi bwa bantu ba misango yonse. Cilondolola mu kulonsha amalyashi ya mu Baibolo ne fishinte fya kutendekelako ifyo abapya balekabila ukumfwikisha ilyo bashilabatishiwa. Nga twatwalilila isambililo lyesu pa musenselo usuma, umusambi kuti alunduluka mu kwangufyanya. Lanshanyeni no kulangilila ifya kutendeka isambililo pa kubomfya imitununukile ya kulungatika: Pitulukeni mu cikope na mashiwi yalecilondolola pa mabula 4-5; londololeni inshila yesu iya kusambilishishamo; mu kwipifya lanshanyeni amaparagrafu yasano aya kutendekelako mu cipandwa 1; panganeni ukubwelelako pa numa no kutwalilila ukulanshanya, ukwasuka icipusho ca kuti, Bushe umweo wa muyayaya ciloto fye? Komaileni pa buseko ubo bwishila capamo ne shuko lya kutungulula isambililo lya Baibolo ilya mu ŋanda.
Ulwimbo 162 ne pepo lya kusondwelela.