Ukupitulukamo kwa Kulemba Ukwe Sukulu lya Butumikishi Bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya September 2 ukufika ku December 23, 1996. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo bumo bumo Cine nelyo Bufi:
1. “Iciswango” cakwata imitwe cinelubali ne nsengo ikumi icalondololwa pa Ukusokolola 13:1 ni Satana Kaseebanya. [uw-CW ibu. 63 para. 4]
2. Takwaba mu cituntulu “icisabi cikalamba” icaba na maka ya kumina umuntu mutuntulu. (Yona 1:17) [si-CW ibu. 153 para. 4]
3. Ubusesemo bwa pali Daniele 9:24, 25 busonta ku kufyalwa kwa kwa Yesu. [kl-CW ibu. 36 para. 8]
4. Ubusesemo bwa pali Mika 3:12 bulosha ku bonaushi no kupomonwa kwa Yerusalemu uko kwacitike mu 607 B. C. E. [si-CW ibu. 156 para. 4]
5. Amashiwi Sheol, Hades, na Gehena yonse yalosha ku nshishi ya cinkumbawile iya mutundu wa muntu. [uw-CW ibu. 72 para. 6]
6. “Bamwandanshi” abaloshiwako pa Abena Efese 6:12 ni ntungulushi sha bupolitiki ishishasenaminwa na Lesa [uw-CW ibu. 63 para. 4]
7. Inshila ya bumi iya kwa Yesu yashininkishe ukuti Adamu aali na maka ya kusungilila bumpomfu afwaya no kuti tamwali icilubo mu bubumbo bwa kwa Lesa [uw-CW ibu. 52 para. 11]
8. Inshita shimo ukubelelekwa kwa kuyobeka mu myendele ya ku calo kufuma ku muntu umbi uuitunga ukubombela Yehova. [uw-CW ibu. 43 para. 11]
9. Ukulingana na Sefania 3:9, abantu ba kwa Lesa bakekatana mu calo cipya pantu bonse bakalanda ululimi lwa cinkumbawile—IciHebere. [Ukubelenga Baibolo ukwa mulungu no mulungu; moneni w89-CW 6/1 ibu. 30.]
10. Mu kufikilishiwa kwa kwa Daniele 12:1, Mikaele ‘aliminina’ ukutula mu 1914 lintu ali Imfumu ya Bufumu bwa kwa Lesa ubwa mu muulu; mu kwangufyanya ‘akeminina’ mwi shina lya kwa Yehova pamo nga Imfumu ya Bulwi ishingacimfiwa, ukonaula ino micitile ibifi. [Ukubelenga Baibolo ukwa mulungu no mulungu; moneni w93-CW 11/1 ibu. 23 para. 23.]
Asukeni ifipusho fyakonkapo:
11. Ni bani baba “ifisuma fya nko” ifyaloshiwako pali Hagai 2:7, kabili ni nshila nshi ‘fishilamo’? [Ukubelenga Baibolo ukwa mulungu no mulungu; moneni w89-CW 6/1 ibu. 31 para. 5.]
12. Ukulingana na Ukufuma 9:15, 16, cinshi capwishishiwe ku nshila Yehova abombelemo na Farao? [uw-CW ibu. 57 amapara. 6, 7]
13. Musango nshi uwa buntungwa untu Yesu alelandapo pali Yohane 8:32? [uw-CW ibu. 40 para. 6]
14. Mulandu nshi ifya maka ificitilwa mwi shina lya kwa Yesu fishingabela ubushinino bwa bubile bwa kwa Lesa nelyo ukutungilila kwakwe? [kl-CW ibu. 46 amapara. 6-7]
15. Ciputulwa nshi ica mu Baibolo capokelelwe na bena Samaria ukuti e capuutwamo? [kl-CW ibu. 43 para. 3]
16. “Musumba” nshi waloshiwako pa AbaHebere 11:10? [uw-CW ibu. 48 para. 6]
17. Ni mu nshila nshi shibili cingasoselwa ukuti Adamu na Efa balifwile “mu bushiku” baliile ku cimuti ca kwishibo busuma no bubi? (Ukute. 2:17) [ibu. 56 para. 5]
18. Ukulingana na Abena Efese 5:3-5, ni pa cishinte nshi Mwina Kristu wiluka engakaanina inyimbo shimo isho shingakwata iciunda cisuma, imyumfwikile ya kucebusha, nelyo iciunda ca kucilimusha? [uw-CW ibu. 67 para. 12]
19. Pali Hagai 2:9, litempele nshi lyali ‘iŋanda ikakonkapo,’ ilyali ‘iya ntanshi,’ kabili mulandu nshi ubukata bwa ‘ŋanda yakonkelepo’ bwabelele ubukulu ukucila ubwa “ya ntanshi”? [Ukubelenga Baibolo ukwa mulungu no mulungu; moneni w89-CW 6/1 ibu. 30.]
20. Cinshi cintu Hosea 14:2 alecincisha abena Israele ukucita, kabili ni shani fintu Inte sha kwa Yehova bafikilisha bulya busesemo ilelo? (Heb. 13:15) [Ukubelenga Baibolo ukwa mulungu no mulungu; moneni w94-CW 9/15 ibu. 10 amapara. 1-2.]
Payanyeni ishiwi nelyo amashiwi yalekabilwa ku kupwishishisha ubulondoloshi bwakonkapo bumo bumo:
21. Apantu Satana abomfeshe ubufi pa kuti Engatungulula abafyashi besu aba kubalilapo mu lubembu, Yesu amulondolwele ukuti ni ‘ ․․․․․․․․.’ [uw-CW ibu. 53 para. 13(1)]
22. Satana mu bucenjeshi abeleleka abantu ukwikusha ukufwaisha kwa ․․․․․․․․ mu nshila ․․․․․․․․. [uw-CW ibu. 65 para. 9]
23. Pa kuba abacingililwa lwa ku mupashi, tatufwile ukusuula ukufwala ulubali ululi lonse ulwa fya bulwi fya kwa Lesa, ifyakwatamo “ ․․․․․․․․ nge ca kucinge cifuba,” “ukupekaniwa kwa ․․․․․․․․ iya mutende,” “inkwela ya ․․․․․․․․,” “ica kubako mutwe ce ․․․․․․․․ ,” na “ ․․․․․․․․ lwa mupashi.” [uw-CW ibu. 68 para. 14]
24. Abo abakakatila ku mipepele ya cishilano, mu kati na ku nse ya Kristendomu, batontonkanya ukuti bakwata umweo ․․․․․․․․, ico cingalenga ․․․․․․․․ ukukanafwaikwa. [uw-CW ibu. 71 para. 3]
25. Inshila shitatu ishishinina ukuti Yesu aali e Mesia shaba (1) ․․․․․․․․, (2) ․․․․․․․․, na (3) ․․․․․․․․. [5-8, kl-CW amabu. 34-8 amapara. 6-10]
Saleni icasuko calungama mu bulondoloshi bwakonkapo bumo bumo:
26. Ifikansa fikalamba ifyo Satana aimishe lintu asonsombele insambu sha kuteka isha kwa Lesa ne nshila Yakwe iya kutekelamo mu cituntulu fyabimbilemo (insambu sha bantunse; icipusho ca wakwatisha amaka; bumulopwe bwa mu kubumbwa konse ubwa kwa Lesa). [uw-CW ibu 46 para. 1]
27. Lintu ( Amose; Yoele; Habakuki) aitilwe na Yehova, taali ni kasesema nelyo mwana kasesema lelo aali ni kacema wa mpaanga kabili katungula wa (nganshi; mikunyu; miolife). [si-CW ibu. 148 para. 1]
28. Ukwangwako kukalamba ukwa Mwina Kristu mu bumi kwa (kukwata amashuko mu cilonganino; ukupusunsuka Armagedone, ukukwata ukwampana kusuma na Yehova). [uw-CW ibu. 42 para. 9]
29. Yoele 2:32 ayambwilwe na (Petro; Yohane; Paulo) pali (Imilimo 2:40; Abena Roma 10:13; 1 Timote 2:4), umo akomaile pa lwa bucindami bwa kulilila kwi shina lya kwa Yehova. [Ukubelenga Baibolo ukwa mulungu no mulungu; moneni w96-CW 4/1 ibu. 20 para. 16.]
30. Abantu abengi balafilwa ukwishiba ukuti amafya ayo tulolenkana na yo mu bumi ilingi line yesako pa mulandu wa (abantu batusansa; inshita ne ca mankumanya; ulunkumbwa lwesu lwine no kubishanya kubi). (1 Kor. 15:33; Yako. 1:14, 15) [uw-CW ibu. 44 para. 13]
Linganyeni amalembo yakonkapo ku bulondoloshi butantikwe pe samba: Hos. 10:12; Ukute. 3:1-5; Yako. 1:26, 27; 1 Pet. 4:3, 4; 1 Yoh. 2:15-17
31. Pa kuti ukupepa kwesu kupokelelwe kuli Lesa takufwile ukukantaikwa ku fibelesho fya ku calo kabili kufwile ukusanshamo ifintu fyonse ifyo Lesa amona ukuti fyalikatama. [kl-CW ibu. 51 para. 20]
32. Pa kucita icalungama mu mikalile yesu iya cila bushiku, tukalobolola uluse lwa kwa Yehova. [Ukubelenga Baibolo ukwa mulungu no mulungu; moneni w96-CW 3/15 ibu. 23 amapara. 2-3.]
33. Nangula mwingabomba na bashasumina nelyo ukuya ku sukulu na bene, mulanga ukuti tamubasala ukuba aba kubishanya nabo ukupitila mu kusengauka ukubishanya na bene ukubishanya konse ukushakabilwa. [uw-CW ibu. 44 para. 13]
34. Apantu tuli Bena Kristu ba cine, tufwile ukusengauka ifibelesho ifili fyonse ifyo filangisha umupashi wa calo cabula bukapepa ico twaikalamo. [kl-CW para. 17]
35. Calikatama ukuti twasengauka ukutontonkanya kwa ku calo uko kusonga abantu ukusumina ukuti balepusulwa nga tabaleimikila ifipimo fyabo abene. [uw-CW ibu. 46 para. 1]