Ukulongana kwa Mulimo Ukwa December
Umulungu wa Kutampa December 2
Ulwimbo 134
10 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu.
15 min: “Ni Bani Bakakutika ku Bukombe Bwesu?” Ifipusho ne fyasuko. Sanshenimo ifishinka ukufuma muli Awake! wa March 22, 1987, ibula 5, pa lwa mulandu ubukombe bwesu bwabela ubwa kucebusha.
20 min: “Icebo ca kwa Lesa Cilapayanya Ubutungulushi.” (Amaparagrafu 1-6) Tendekeni icipande ukubomfya amaparagrafu 1-2. (Sanshenimo icitabo ca Ukupelulula, amabula 66-68, ukulondolola mu kwipifya “Imilandu ya kulangulukila Baibolo” ine.) Ebeni bakasabankanya bafikapo balangilile inshila sha kulandilamo ishitubulwilwe mu maparagrafu 3-6. Ipusheni ibumba ukulanda pa (1) fintu ifipusho fyacipushiwa fyacafwilisha ukucincimusha ubuseko, (2) fintu amalembo yacibomfiwa yacilinga ilyashi lyacilalandwapo, (3) fintu icipempu ca kubwelelamo cacikonka bwino pa kulanshanya kwa kubalilapo, na (4) fintu mwine ŋanda acipushiwa nga kuti asumina isambililo.
Ulwimbo 75 ne pepo lya kusondwelela.
Umulungu wa Kutampa December 9
Ulwimbo 100
10 min: Ukubilisha kwa pa mwenu. Lipoti wa ndalama.
15 min: Ukwaafwa Abakoloci Ukubombako mu Mulimo. Bakasabankanya bakoloci aba busumino abengi balafwaisha ukubombako mu kushimikila capamo ne cilonganino, lelo balipelebela lwa ku mubili pa mulandu wa bukote no kulwalilila. Kwalibako inshila ya kubasakamaninamo pa kuti twingabasansha mwi bumba lya mulimo wa mwi bala: Ipeelesheni ukubapayanishisha imyendele; batantikileni ukubombela mu mayanda umushafulisha amatabo ya kunina; imikeni motoka mupepi no ko balebombela pa kuti bengatuushako muli motoka lintu banaka; ipeelesheni ukubashindika ku fipempu fyabo ifya kubwelelamo; beshibisheni ukuti mulebatwala ku ŋanda nga banaka ukubomba. Abakoloci balatasha lintu twaitemenwa ukubaafwa. Lumbuleni inshila shimbi isho mulangilamo ukuti mulasakamana abakoloci mu cifulo cenu. Pitulukeni mu fishinka fikalamba ifya cipande cileti “Tulatesekesha Abakoloci!” icaba mu Ulupungu lwa kwa Kalinda ulwa February 1, 1986, amabula 28-9.
20 min: “Icebo ca kwa Lesa Cilapayanya Ubutungulushi.” (Amaparagrafu 7-9) Landeni pa cipande icileti “Ukukabila kwa Butungulushi” mu Ulupungu lwa kwa Kalinda ulwa May 1, 1993, ibula 3. Londololeni umulandu ukushimikila kwesu kulingile ukukomaila pa bucindami bwa kufwaya ukwaafwa ukufuma ku ntulo yasumbukisha—Lesa. Ebeni kasabankanya alangilile inshila ya kulandilamo mu maparagrafu 7-8. Komailenipo ukuti ubuyo bwesu mu kupelako bulingile ukuba bwa kutendeka isambililo lya Baibolo mu citabo ca Ukwishiba.
Ulwimbo 197 ne pepo lya kusondwelela.
Umulungu wa Kutampa December 16
Ulwimbo 209
10 min: Ukubilisha kwa pa mwenu. Londololeni imitubululo imo pa fya kwankulako mu kucenjela ku kuposha kwa pa maholide. Londololeni imitantikile ya mulimo wa mwi bala iyaibela iya pa December 25.
15 min: “Ukuipeela fwe Bene mu Kuitemenwa.” Ifipusho ne fyasuko. Sanshenimo ifyebo ukufuma mu Ulupungu lwa kwa Kalinda ulwa July 1, 1985, ibula 13.
20 min: “Ukusekelela mu Kwingilishako Uko Lesa Alenga.” Ilyashi lya kucincimusha kuli eluda. Losheni ku fya kukumanya nelyo ubushinino bwa kwingilishako mu fyalo filangilwe, nga fintu fyatantikwa mu ma Yearbook ya nomba line.
Ulwimbo 41 ne pepo lya kusondwelela.
Umulungu wa Kutampa December 23
Ulwimbo 93
10 min: Ukubilisha kwa pa mwenu. Londololeni ifishinka fya kulandapo muli bamagazini ba ndakai abengabomfiwa mu mulimo uno mulungu. Londololeni imitantikile ya mulimo wa mwi bala iyaibela iya pa January 1.
15 min: Ukukabila kwa pa mwenu. Nelyo eluda apeele ilyashi pa mutwe wa kuti “Ukupoka Penshoni—Bushe Mwinshi Uwisula Imibombele ya Teokrasi?” ukufuma mu Ulupungu lwa kwa Kalinda ulwa July 15, 1996, amabula 24-5.—Moneni Insight, Volyumu 2, ibula 794, amaparagrafu 2-3.
20 min: “Ukulembesha mwi Isukulu lya Butumikishi bwa Teokrasi.” Ilyashi kuli kangalila we sukulu. Landeni pa fipendo fya balembesha mu cilonganino cenu, kabili koselesheni bonse abengalembesha ukuti balembeshe. Pitulukeni mu makambisho ya malyashi ya basambi ayapayanishiwa mu “Ukutantika kwe Isukulu lya Butumikishi bwa Teokrasi ukwa 1997.” Koselesheni bonse ukukwatako amakope ya pa lwabo aya Icitabo ca Kutungulula Isukulu.
Ulwimbo 166 ne pepo lya kusondwelela.
Umulungu wa Kutampa December 30
Ulwimbo 223
10 min: Ukubilisha kwa pa mwenu. Nga ca kuti icilonganino cenu cili no kwalula inshita sha kulongana mu mwaka upya, koselesheni bonse mu nshila ya cikuuku, ukubacincisha ukuteulula umulekabilwa no kutwalilila ukusangwa ku kulongana lyonse ne cilonganino mu kuba ne nshita sha ciko ishipya.
20 min: Umukululo wa Fipusho. Ukulanshanya kwa fipusho ne fyasuko. Komaileni pa mapaalo ayo yabako lintu twakonka imitubululo ya teokrasi. Ukubombwapo na eluda uwikala mu cifulo ca kubombelamo ica cilonganino abako. Sanshenimo ifyebo ukufuma mu Umukululo wa Fipusho mu Ubutumikishi Bwesu Ubwa Bufumu ubwa May 1973.
15 min: Pitulukeni mu Lupapulo lwa Kutambika mu January. Langeni ifitabo fintu icilonganino cikwete. Saleni ifitabo fibili nelyo fitatu ifyo fingawama ukubomfya mu cifulo cenu ica kubombelamo. Ukubomfya icitabo ca Ukupelulula, amabula 9-14, mu kwipifya pitulukeni mu mitendekele yalinga iya citabo cimo cimo. Langilileni inshila ya kulandilamo imo nelyo shibili.
Ulwimbo 137 ne pepo lya kusondwelela.