Ukulongana kwa Mulimo Ukwa April
Umulungu wa Kutampa April 7
Ulwimbo 100
12 min: Ukubilisha kwa pa mwenu. Belengeni ukubilisha kwasoobolwamo mu Ubutumikishi Bwesu Ubwa Bufumu ukufumyako fye uko kulungatikwe ku bantu bamo bamo, ku ca kumwenako, kuli kangalila wa kutangilila. Lumbuleni ifishinka fya kulandapo ifya muli bamagazini ba ndakai.
15 min: “Cinkupiti wa Bantu Alelundwako.” Ifipusho ne fyasuko. Pitulukeni mu mitubululo ya mpikwe iyalondololwa mu Ulupungu lwa kwa Kalinda ulwa August 15, 1993, amabula 12-17.
18 min: “Afweni Abashaishiba Ukwiluka.” Ifipusho ne fyasuko. Pitulukeni mu mbali sha broshuwa wa Cintu Lesa Afwaya: inshila ya kusambililamo iyayangushiwa, ifipusho fyalinga, ifikope fya kucebusha, Amalembo yaloshiwako ayengi. Komaileni pa buyo bwa kutendeka amasambililo ayo mu kupelako yaletungulula mu citabo ca Ukwishiba. Ebeni kasabankanya wafikapo alangilile ifya kutendeka isambililo ukubomfya inshila ilondolwelwe mu paragrafu 4. Koselesheni abafyashi bonse mu cilonganino ukusambilila broshuwa na bana babo abanono.
Ulwimbo 130 ne pepo lya kusondwelela.
Umulungu wa Kutampa April 14
Ulwimbo 107
10 min: Ukubilisha kwa pa mwenu. Lipoti wa ndalama. Inshita nga ilesuminisha, mu kwipifya shimikeni ifya kukumanya fya mwi bala ifya mu cifulo cenu pa lwa kushalika broshuwa wa Cintu Lesa Afwaya nelyo ukutendeka amasambililo ya Baibolo ukubomfya uyo broshuwa.
15 min: “Ukutungulula Abasambi ku Kuteyanya Kwesu.” (Amaparagrafu 1-6) Ifipusho ne fyasuko. Belengeni amaparagrafu 5-6 na malembo yaloshiweko. Shimikeni ifya kukumanya fya mu cifulo cenu pa lwa fintu abasambi ba Baibolo bayankwileko lintu batambile vidio wa Jehovah’s Witnesses—The Organization Behind the Name.
20 min: “Sambilisheni Bambi Fintu Lesa Afwaya.” Ukulanshanya amaparagrafu 1-4 ne bumba lyonse. Langilileni inshila sha kulandilamo ishili mu paragrafu 5, ukubomfya imitantikile yapusanapusana ine—pa musebo, pa ŋanda, mu cifulo ca bukwebo, na mu parka. Cinkuleniko bonse ukushitako amabroshuwa na bamagazini ba kubomfya mu mulimo wa mwi bala ilyo tabalafuma pa Ŋanda ya Bufumu lelo.
Ulwimbo 126 ne pepo lya kusondwelela.
Umulungu wa Kutampa April 21
Ulwimbo 113
15 min: Ukubilisha kwa pa mwenu. Londololeni ukuti tatulacelwa ukutuma formu wa kwipushishapo bupainiya bwa kwafwilisha mu May. Pitulukeni mu Umukululo wa Fipusho, kabili ishibisheni icilonganino nga ca kuti ifitabo fimo fimo filekabilwa ku kwisushisha laibrare mu Ŋanda ya Bufumu. Cinkuleniko bonse ukwisa ne ca mu kati ica mu Ubutumikishi Bwesu Ubwa Bufumu ubwa March 1997 ku Ukulongana kwa Mulimo umulungu ukonkelepo. Londololeni imitantikile ya mulimo wa mwi bala iya holide wa pa May 1.
15 min: “Ukutungulula Abasambi ku Kuteyanya Kwesu.” (Amaparagrafu 7-14) Ifipusho ne fyasuko. Ebeni kasambilisha wafikapo alangilile ifya kulanshanya no musambi mu kukanashimba pa lwa kukabila kwa kusangwa ku kulongana.
15 min: Tambikeni ukulembesha Ulupungu lwa kwa Kalinda. Kangalila wa mulimo alanshanya ne bumba lyonse ubucindami bwa kulembesha Ulupungu lwa kwa Kalinda kuli bonse abengafwaya ubumi mu calo cipya ica kwa Yehova. Nga tatushitako bamagazini besu ukufuma pali bamagazini ba kusabankanya aba cilonganino, kuti twabomfya magazini wa pa lwesu uyo twalembesha ku kulangilila ifya kutambika ukulembesha bamagazini. Munyina umo uwa ku Eastern Province muno Zambia alembele ukuti: “Ukutula fye mu 1994 lintu ulupwa lwandi na ine twalembeshe Loleni! na Ulupungu lwa kwa Kalinda, tatwabala atubulishapo magazini nangu cingati twikala kuno mushi; lyonse balafika ukwabula ukucelwa. Tulemubela ubunte ukuti mu cine cine muli ‘musha wa cishinka’ uwa pali Mateo 24:45-47 uupayanya ifya kulya fya ku mupashi mu nshita iiyene.” Lintu twalangisha muli iyo nshila ukuti tulatasha pa kwishiba kwa ku mupashi uko twapokelela, mu kucincimuka kuti twakoselesha abantu bambi ukulembesha Ulupungu lwa kwa Kalinda. Balamuneni ubuseko pa kulondolola ukuti Lesa mu kwangufyanya akaleta umutende. Ilumbo 72:7 kuti lyabomfiwa ukulangilila ukuti Icebo ca kwa Lesa cilaya umutende. Abatemwa umutende bakakoseleshiwa pa kumona ubulayo bwaba pa Ilumbo 37:10, 11 ubwa kuti umutende wa cine ukesa mu kwangufyanya. Bomfyeni icilangililo na cimbi icilelangilila ifya kutambika magazini umo umo nelyo broshuwa apo ukulembesha bamagazini kushipokelelwe. Bomfyeni ifipendo fyakonkapo ku kulondolola icishinka ca kulembesha bamagazini mu kumfwika: Ukufika pa March 1, 1997, abalembeshe Loleni! mu Cichewa, Icibemba ne ciNgeleshi bonse pamo bafikile kuli 2,432, ilintu abalembeshe Ulupungu lwa kwa Kalinda bonse pamo bafikile kuli 14,325 mu ndimi 6 isho tubomfya mu Zambia.
Ulwimbo 128 ne pepo lya kusondwelela.
Umulungu wa Kutampa April 28
Ulwimbo 121
15 min: Ukubilisha kwa pa mwenu. Cinkuleniko bonse ukutuma amalipoti ya mulimo wa mwi bala aya April. Bilisheni amashina ya abo abakalabomba bupainiya bwa kwafwilisha mu May. Londololeni imitantikile ya kukumana kwa mulimo na imbi iyo mutantikeko mu cifulo cenu. Mu May tulingile ukubombesha apakalamba ukubwelela uko twashalike amabroshuwa no buyo bwa kutendeka amasambililo. Mu kwipifya tubululeni inshila twingepushishamo mu kucenjela ishina na keyala ka bantu tuleshimikilako mu bunte bwa mu lyashi. Kuti mwabeba ishina lyenu intanshi na keyala no kubepusha nga balikwata inambala ya lamya uko bengasangwa. Ebeni ibumba ukulandapo imitubululo imbi iyo babomfya bwino nga nshi.
15 min: “Mulandu Nshi Babombela uyu Mulimo?” Eluda alanshanya icipande na bapainiya ba nshita yonse babili nelyo batatu. (Nga tapali bapainiya ba nshita yonse, bomfyeni abo balembesha ilingi line nga bapainiya ba kwafwilisha.) Sanshenimo ifishinka fikalamba ukufuma mu cipande cileti “Bapainiya Balapeela no Kupokelela Amapaalo,” mu Ulupungu lwa kwa Kalinda ulwa January 15, 1994. Ebeni umo umo alondolole umulandu alembesesha ukubomba umulimo wa bupainiya. Bepusheni ukushimika ifya kukumanya ifilelangilila fintu bapaalwa pa kubombako uyu mulimo.
15 min: “Bushe Tulingile Ukwangwako ku Busaka?” (Ica mu kati ca mu Ubutumikishi Bwesu Ubwa Bufumu ubwa March 1997) Ukulanshanya ifipusho ne fyasuko mu maparagrafu 12-17 na kalemba.
Ulwimbo 129 ne pepo lya kusondwelela.