Mulandu Nshi Babombela Uyu Mulimo?

¹ Calisobeelwe pa lwa kwa Kristu ukuti ‘ukupimpile ŋanda ya kwa Lesa kukamulya.’ (Ilu. 69:9) Ukupimpa kwa kwa Yesu ku kupepa Yehova mu cine kwalimukuntile ukubika ubutumikishi pa ntanshi ya fyonse. (Luka 4:43; Yoh. 18:37) Uku kupimpa kumo kwine ukwa kubela icine ubunte kulamoneka ilelo mu butumikishi bwa Nte sha kwa Yehova. Umwaka wa mulimo uwapwile, avareji wa 645,509 mwi sonde lyonse balibombeleko mu mulimo wa bupainiya cila mweshi. Pa mulandu wa kuti twaliipeela kuli Lesa, umo umo uwa ifwe alingile ukutontonkanyapo mu kubamo ipepo nampo nga kuti twatantika pa kuti twingabombako nga painiya wa kwafwilisha nelyo uwa nshita yonse.—Ilu. 110:3; Luk. Mil. 12:1; Rom. 12:1.

² Ukwikala mu micitile ya fintu iyo yatemwa ifimoneka mu nshila ya kaso, abengi mu calo balacisanga ukuba icakosa ukwiluka umulandu uuli onse alingile ukubombesha ifyo mu butumikishi ubo bushileta cibwesha ca ndalama kabili umushaba ilumbo. Mulandu nshi bapainiya babombela uyu mulimo? Balishiba ukuti babomba umulimo upususha ubumi. Apo bakuntwa no kutemwa Yehova mu kushika no muntu munabo, balayumfwa ukuti balishingamwa pa lwabo apakalamba ku kwafwilisha abantu ukupusuka. (Rom. 1:14-16; 1 Tim. 2:4; 4:16) Bapainiya babili umulume no mukashi basupawilile bwino ukuti: “Mulandu nshi tulebombela bupainiya? Bushe kuti twalondolola kuli Yehova mu kumfwika nga ca kuti tatwalebomba uyu mulimo?”

³ Nkashi na umbi alembele ifi pa lwa kupingulapo kwakwe ukwa kutendeka bupainiya: “Ine no mulume wandi twalitantike ukwikalila fye amalipilo yamo, ico capilibwile ukuleka ukushita ifyo tushalekabila fyonse. Nalyo line, Yehova alitupaalile mu kufumba, tabalile atulekelesha ukuba abapiina nelyo ababulisha. . . . Ninsanga umulandu wa cine cine uwa kubela uwa mweo—uwa kwaafwa ababulisha lwa ku mupashi ukwishiba ukuti Yehova, Lesa wa cine, taba kutali kuli abo abamufwayafwaya.” Pa kumona ifyo inshita ipwile, bapainiya baliteeka umutima ku fyo bakwata ilintu mu kucincila balefwaya ukunonka ifyuma fya ku mupashi ifyo fikatwalilila kuli pe na pe.—1 Tim. 6:8, 18, 19.

⁴ Nga mwingaba na maka, mulandu nshi te kuisanshisha ku myanda ya makana ya bamunyina na bankashi mwi sonde lyonse abo balebomba bupainiya? Muli iyo nshila kuti mwaipakisha ubuseko ubo na bo baipakisha?