Ukulongana kwa Mulimo Ukwa August
ICISHIBISHO: Ubutumikishi Bwesu Ubwa Bufumu nabutantika Ukulongana kwa Mulimo mu milungu fye yonse muli uno mweshi. Ifilonganino fili no kuteulula umulekabilwa pa kusuminisha ukusangwa kwi Bungano lya Citungu ilya “Ukutetekela Icebo ca kwa Lesa” e lyo no kupituluka mu fishinka fikalamba ifya programu mu maminiti 30 pa Kulongana kwa Mulimo umulungu ukonkelepo. Mulingile ukwebela libela bamunyina bafikapo babili nelyo batatu abakesapituluka muli programu we bungano ubushiku bumo na bumo no kutontomesha pa fishinka fikalamba. Uku kupitulukamo kwapekanishiwa bwino kukaafwa icilonganino ukwibukisha ifishinka fikalamba ifyo bengabomfya pa lwabo ne fya kubomfya mwi bala. Ukulandapo ukufuma mwi bumba ne fya kukumanya fileshimikwa filingile ukuba ifipi kabili ifilefika pa cishinka.
Umulungu wa Kutampa August 4
Ulwimbo 16
7 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Landeni pali lipoti wa mulimo wa mwi bala uwa April uwa mu Zambia no wa cilonganino cenu. Linganyeni na lipoti wa January uwakwete mupepi na bakasabankanya 90,000. Koselesheni ukutuma amalipoti mu kwangufyanya.
13 min: “Ukulongana Kulacincimusha ku Kubombe Milimo Isuma.” Ifipusho ne fyasuko. Londololeni ubunonshi bwa kulanshanya kwa kukuulilila ilyo ukulongana kushilatendeka na pa numa ya kulongana.—Moneni Icitabo ca Ukutungulula Isukulu, ibula 82, amaparagrafu 17-18.
25 min: “Tetekeleni Yehova Ukuti Akamesha.” Ilyashi ne filangililo. Komaileni pa kukabila kwa kubwelela ukwashalikwa amabroshuwa. Tantikeni ifilangililo fibili ifyapekanishiwa bwino ifilelanga inshila ya kutendekelamo amasambililo. Sanshenimo imitubululo ukufuma mu ca mu kati ca Ubutumikishi Bwesu Ubwa Bufumu ubwa May, amaparagrafu 7-11.
Ulwimbo 78 ne pepo lya kusondwelela.
Umulungu wa Kutampa August 11
Ulwimbo 20
5 min: Ukubilisha kwa pa mwenu. Lipoti wa ndalama.
15 min: “Abakalamba Balashimikila Ukwabula Ukuleka.” Ifipusho ne fyasuko. Sanshenimo ica kukumanya ukufuma mu Ulupungu lwa kwa Kalinda ulwa July 1, 1988, ibula 13, pa lwa kwa nakulu bantu uwabombeleko bupainiya bwa kwafwilisha.
25 min: “Ukupikintika Pe.” Ifipusho ne fyasuko. Tantikeni ukwipusha abantu bapamfiwa babili, pamo nga eluda, namayanda, nelyo painiya. Bepusheni ukulondolola fintu baba na maka ya kutwalilila imibombele yabo mu kufikapo no kuba aba buseko lyonse. Mu kupelako, koselesheni bakasabankanya bonse ukupwisha uyu mwaka wa mulimo bwino pa kubombako mwi bala ilyo umweshi ushilapwa na pa kutuma lipoti wabo uwa mulimo wa mwi bala mu kwangufyanya.
Ulwimbo 71 ne pepo lya kusondwelela.
Umulungu wa Kutampa August 18
Ulwimbo 14
10 min: Ukubilisha kwa pa mwenu. Pitulukeni mu cipande cileti “Ubushiku bwa Kulongana Kwaibela Ukupya.”
15 min: Ukukabila kwa pa mwenu.
25 min: Bweleleniko, Ukubomfya Broshuwa wa Ilyo Untu Watemwa Afwa. Langilileni ifya kwipusha icipusho no kufwaya icasuko muli broshuwa. Ku ca kumwenako, uyu broshuwa asuka ifipusho fyakonkapo: Bushe kwalibako isubilo ilili lyonse ku bafwa? (Amabula 5-6) Bushe calilubana ukuba no bulanda? (Amabula 8-9) Ni shani fintu umo engatunguluka mu kucimfya ubulanda? (Ibula 18) Ni shani fintu bambi bengafwa? (Amabula 20-3) Ni shani fintu abana bengafwiwa ukumfwikisha imfwa? (Ibula 25) Cisansamushi nshi Baibolo ipeela? (Ibula 27) Lyene, lanshanyeni mu kwipifya na bakasabankanya bafikapo babili fintu babomfya uyu broshuwa pa fipempu fya kubwelelamo ku kwasuka ifipusho ifyo ilingi line fipushiwa pa lwa mfwa. Langilileni ifya kubomfya broshuwa lintu mwabwelelako.
Ulwimbo 94 ne pepo lya kusondwelela.
Umulungu wa Kutampa August 25
Ulwimbo 23
10 min: Ukubilisha kwa pa mwenu. Cinkuleniko bonse ukutuma amalipoti ya mulimo wa mwi bala.
15 min: Ilyashi kuli eluda wabelesha ilileti “Ukutamfya—Ifya Kukumona” ukufuma mu Ulupungu lwa kwa Kalinda ulwa March 15, 1982, amabula 19-25. Sanshenimo ifishinka fili mu mukululo pe bula 25.
20 min: “Ukwaafwa pa Nshita Yalinga.” Ifipusho ne fyasuko. Londololeni ifishinka fyakatama ukufuma mu lupapulo lumo lumo. Koselesheni bakasabankanya ukushitako ifitabo fya Insansa sha Lupwa ifya kubomfya kuli kampeni wa mu September.
Ulwimbo 100 ne pepo lya kusondwelela.