Ukulongana kwa Mulimo Ukwa June
Umulungu wa Kutampa June 1
Ulwimbo 223
8 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ilyashi lya Teokrasi.
15 min: ‘Abaiteyanya ku Kubombo Mulimo Onse Usuma.’ Ifipusho ne fyasuko. Landeni mu kwipifya pa Ulupungu lwa kwa Kalinda ulwa February 15, 1989, amabula 22-4.
22 min: “Ukusangwilako ku Kukosha Ubwikashi Ukupitila mu Kukosha Ifyakatamikwa fya mu Lupwa na mu Kufusha Insansa.” Ilyashi na eluda ukulanda pa maparagrafu 1, 2 na 7-8. Icilangililo cimo nelyo fibili ukulangilila amaparagrafu 3-6. Komaileni pa bucindami bwa kulanshanya na balashi ba buteko bwa cikaya mu cifulo cenu, abalolekesha pa fya bwikashi na bakafundisha ku kulanshanya na bo ifyo tulecita isonde lyonse ku kukosha indupwa.
Ulwimbo 112 ne pepo lya kusondwelela.
Umulungu wa Kutampa June 8
Ulwimbo 209
10 min: Ukubilisha kwa pa mwenu. Lipoti wa ndalama.
15 min: Mwe Bafyashi Cingilileni Abana Benu! (Ulubali 1). Ilyashi lishimpilwe pa Ulupungu lwa kwa Kalinda ulwa February 15, 1998, ukufuma pe bula 8 ukufika pe bula 10, lelo ukukanasanshamo akamutwe kaleti, “Ukulanshanya Kusuma.” Komaileni pa bucindami bwa kukanakonkelela intambi ku kucingilila abana besu. Bana abanakashi banga abapula amafumo? Bushe basongelwe na malyashi ya bufi ukufuma ku fibusa fyabo ifya ku sukulu?
20 min: “Cikabila Ifwe Bonse pa Kuti Umulimo Ubombwe.” Ifipusho ne fyasuko. Londololeni umulandu baeluda bashintilila pa baitemenwa abengi pa kuti ifintu filekabilwa ficitwe. Pitulukeni mu kukabila kwa pa mwenu, pamo ngo kuwamya Ing’anda ya Bufumu, ukwaafwa abalwele na bakoloci, no kupwisha ukubombela mu cifulo twapeelwa. Laalikeni baeluda ukulandapo pa fyo batasha ubwafwilisho bwa kuitemenwa ubo abengi bapeela. Komaileni pa fyo ukubombesha kwa umo na umo kukabilwa sana.
Ulwimbo 153 ne pepo lya kusondwelela.
Umulungu wa Kutampa June 15
10 min: Ukubilisha kwa pa mwenu.
20 min: “Ukutantika Kupya Ukwa Kukuula Amayanda ya Bufumu.” Ifipusho ne fyasuko mu maparagrafu 1-9. Belengeni amaparagrafu nge nshita ilesuminisha. Losheni ku fikope pe bula 3 na 4.
15 min: “Ukushimikila ku Myendele Isuma.” Ifipusho ne fyasuko. Ipusheni abacaice bamo abaimika ica kumwenako cisuma. Balanda ifyo bambi basekelamo ku myendele yabo iya Bwina Kristu. Shimikeni ica kukumanya cimo nelyo fibili ukufuma mu Ulupungu lwa kwa Kalinda ulwa January 1, 1995, amabula 24-5.
Ulwimbo 170 ne pepo lya kusondwelela.
Umulungu wa Kutampa June 22
Ulwimbo 61
10 min: Ukubilisha kwa pa mwenu. Landeni ilyo ukupenduluka mu maakaunti ya cilonganino kwapwile.
15 min: Ifya Kukwata aba Kupokako Bamagazini Lyonse. Londololeni ifilekabilwa ifi pano: lembeni bonse abo mwashalikako, bweleleniko mu milungu ibili, landeni pa fyebo fipya muli bamagazini ba nomba ku kuleka batwalilile ukufwaya ukubabelengako. Aba kupokako bamagazini kuti basanshamo abena mupalamano, abo mubomba na bo, bashimashitolo, ababomba apo babikila amafuta muli bamotoka na bambipo. Tambikeni ukulembesha kwa bamagazini ku balangisha ukuti balefwaya ukutwalilila ukubelenga bamagazini. Laalikeni kasabankanya umo nelyo babili ukushimika ica kukumanya cikuulilila pa lwa bapokako bamagazini.
20 min: Bapainiya Baleafwa Bambi. Ilyashi na kangalila wa mulimo, ukupituluka mu mapekanyo ya kuti bapainiya baleafwa bambi. Londololeni ifyo amaprogramu ya kwaafwa yaletendekwa kale. (jv 100; km-CW 9/79 1, 3) Ababatishiwe abacilile pali milioni umo mu myaka itatu yapitapo balekabila ukukanshiwa. Programu wa “Bapainiya Afweni Bambi” abomfya ukubelesha no kukanshiwa kwa bapainiya ba nshita yonse na baibela abasangilwe kwi Sukulu lya Mulimo wa Bupainiya. Imifwaile ya kuti painiya umo na umo aleafwa bakasabankanya babili ukubomba bwino mu butumikishi kabili no kutinamina amashuko yakalamba. Abaleafwiwa tabalekabila ukutinishiwa; ukukomaila kuli pa kupeela ukukoselesha kwabamo ukutemwa kabili ukwa cikuuku. Uyu programu mupya akalenga imyanda ya makana ukuba abatumikishi bafikapo.
Ulwimbo 207 ne pepo lya kusondwelela.
Umulungu wa Kutampa June 29
Ulwimbo 114
10 min: Ukubilisha. Cinkuleniko bonse ukuleta amalipoti ya mulimo wa mwi bala aya June. Lanshanyeni pa lupapulo lwa kutambika mu July.
15 min: Mwe Bafyashi Cingilileni Abana Benu! (Ulubali 2). Ilyashi lishimpilwe pa Ulupungu lwa kwa Kalinda ulwa February 15, 1998, ukufuma pa kamutwe kaleti “Ukulanshanya Kusuma” ukufika na ku mpela ya cipandwa. Komaileni pa bucindami bwa kukonka ubutungulushi bwa kwa Yehova ku kucingilila abana besu.
20 min: “Ukutantika Kupya Ukwa Kukuula Amayanda ya Bufumu.” Ifipusho ne fyasuko mu maparagrafu 10-24. Nge nshita ilesuminisha belengeni amaparagrafu. Losheni ku fikope pe bula 5 na 6. Koselesheni ukusangwilako ku cipao ciitwa Indalama sha Mayanda ya Bufumu ku Sosaite.
Ulwimbo 76 ne pepo lya kusondwelela.