Ukupitulukamo kwa Kulemba Ukwe Sukulu lya Butumikishi bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya January 4 ukufika ku April 19, 1999. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo Cine nelyo Bufi:
1. Te lyonse Yehova alelanda mu kulungatika amashiwi yonse ayalembwa mu Baibolo. (2 Tim. 3:16) [w97-CW 6/15 ibu. 5 para. 3]
2. Ukwikatana kwa lupwa no kulunduluka kwa ku mupashi ukwa bana kwashintilila umupwilapo pa bafyashi. (Amapi. 22:6) [fy-CW ibu. 85 para. 19]
3. Ico ulubembu ‘lwalaalilile pa mwinshi,’ Kaini taali na maka ya kusengauka ukulufyanya kwabipisha. (Ukute. 4:7) [Ukubelenga Baibolo ukwa cila mulungu; moneni w94-CW 6/15 ibu. 14 para. 11.]
4. Ilintu umupungwe aleya alekulilako, alingile fye ukupeelwa ubuntungwa bwakulilako pa kusala imisango ya kukokoloka. [fy-CW ibu. 73 para. 20]
5. Ukufwaisha ukutemuna Kabumba wesu e kulenga sana ukuti lyonse tulelanda icishinka. (Amapi. 6:17) [g97-CW 3/8 ibu. 19 para. 4]
6. Pa kuti tulenge ‘ifyebo fya mu tunwa twesu na matontonkanyo ya mu mitima yesu fisuminishiwe na Yehova’ mwi pepo, tulingile ukutukuto kuba abalamuka sana mu milandile. (Ilu. 19:14) [w97-CW 7/1 ibu. 29 amapara. 3-4]
7. Amafunde, ifipope, na malango ya kwa Yehova ifyalumbulwa pa Ukutendeka 26:5 filosha ku mafunde yaba mu cipingo ce Funde. [Ukubelenga Baibolo ukwa cila mulungu; moneni w92-CW 7/1 ibu. 10 para. 8.]
8. Lintu Yesu atile “icitetekelo cobe nacikuposha,” nga fintu calembwa pali Luka 8:48, apilibwile ukuti umwanakashi uwalwala alekabila ukubilisha icitetekelo muli Yesu pamo nga Mesia ilyo ashilaposhiwa. [w97-CW 7/1 ibu. 4 amapara. 2-4]
9. Ukutendeka 11:1 lilembo limo pa yengi mu Baibolo ayabomfya ishiwi “pano isonde” ku kulosha ku bantunse mu cinkumbawile, nelyo ku bwikashi bwa bantunse. [g97-CW 1/8 ibu. 31 para. 3]
10. Nangu fye takwali icalangilile ukuti Dina alisumine, acili ali no mulandu pa kulufya bunacisungu bwakwe. (Ukute. 34:1, 2) [Ukubelenga Baibolo ukwa cila mulungu; moneni w85-CW 6/15 ibu. 32 para. 4.]
Asukeni ifipusho fyakonkapo:
11. Cinshi Satana atubulwile mu mashiwi yaba pa Ukutendeka 3:1-5? [Ukubelenga Baibolo ukwa cila mulungu; moneni w95-CW 7/15 ibu. 5 para. 1.]
12. Pa Ukusokolola 19:15, “ulupanga ulwatwa” ulufuma mu kanwa ka kwa Yesu lwimininako cinshi? [Ukubelenga Baibolo ukwa cila mulungu; moneni w90-CW 5/15 ibu. 4 para. 4.]
13. Cinshi cikomailwapo ku cishinka ca kuti Mose apayanya inshiku sha kulungatika ukulosha ku Lyeshi lya mu kasuba ka kwa Noa? [g97-CW 2/8 ibu. 18 para. 4]
14. Ni shani Abrahamu ‘aliliile kwi shina lya kwa Yehova’? (Ukute. 12:8) [Ukubelenga Baibolo ukwa cila mulungu; moneni w89-CW 7/1 ibu. 20 para. 9.]
15. Mu mashiwi yashingulukako, bushe Yehova aloseshe mwi lintu aebele Paulo ukuti: “Ukusenamina kwandi kwakumana kuli iwe”? (2 Kor. 12:9) [w97-CW 6/1 ibu. 25 para. 3]
16. Cinshi calengele muka Lote ukucebukila ku numa, no kusanguka icaimikwa ca mucele? (Ukute. 19:26) [Ukubelenga Baibolo ukwa cila mulungu; moneni w90-CW 4/15 ibu. 18 para. 10.]
17. Bushe Abena Kristu bamona shani ukushite fipe fya kwiba? (Ukufu. 22:1; Yer. 17:11) [Ukubelenga Baibolo ukwa cila mulungu; moneni w92-CW 6/15 ibu. 30 para. 3; ibu. 31 amapara. 1, 6-7.]
18. Ukulingana na Ukutendeka 33:18, Yakobo alangishe shani ukuti talefwaya ukubishanya na bena Kanani? [Ukubelenga Baibolo ukwa cila mulungu; moneni w95-CW 9/15 ibu. 21 para. 5.]
19. Ifyo Yosefe acitile ifyalondololwa pa Ukutendeka 37:13 fyapalana shani ne fyacitile Yesu? [Ukubelenga Baibolo ukwa cila mulungu; moneni w87-CW 5/1 ibu. 12 para. 12.]
20. Bupusano nshi bwaba pa bukali bwa kwa Lesa no bwa bantunse? [g97-CW 6/8 ibu. 19 amapara. 3-4]
Payanyeni ishiwi nelyo amashiwi yalekabilwa ku kupwishishisha ubulondoloshi bwakonkapo:
21. Ukutunganya bambi imilandu ․․․․․․․․ no kubapingula. [w97-CW 5/15 ibu. 26 para. 5]
22. Bucine bwe buku lya Ukutendeka bwalangwa ku ․․․․․․․․ pamo pene no ․․․․․․․․ kwapwililila kwa kuko na yambi Amalembo yapuutwamo. [si-CW ibu. 14 para. 8]
23. Ifya kumwenako fya kwa Rehoboamu na Eli kuti fyaafwa abafyashi ukutesekesha ifingafuma mu kuba ․․․․․․․․ nelyo uwa ․․․․․․․․ mu kukusha abana. [fy-CW amabu. 80-1 amapara. 9-13]
24. ․․․․․․․․ cintu cacindama nga mulefwaya ukulundulula ․․․․․․․․ wa bukapepa. [w97-CW 8/1 ibu. 4 para. 5]
25. Ukuseba umulandu kwaba kutemwa kwa Bwina Kristu ukutungululwa ne fishinte ukulangishiwa ․․․․․․․․ , na ․․․․․․․․ . [w97-CW 8/15 ibu. 30 para. 2]
Saleni icasuko calungama mu bulondoloshi bwakonkapo:
26. Ukusalapula (kwakankantisha; kwanakilila; kwalinga) kulangisho kuti umufyashi alitemwa umwana wakwe. (Heb. 12:6, 11) [fy-CW ibu. 72 para. 18]
27. Ukutendeka 7:6, 11 kulangilila umwaka wa (2970; 2370; 2020) B.C.E., “ilyo ilyeshi lyaishile pano isonde.” [Ukubelenga Baibolo ukwa cila mulungu; moneni si-CW ibu. 294 charti.]
28. Pali Yohane 8:32, Yesu alelanda pa buntungwa bwa kulubuka ku (mitekele ya ciRoma; kutiine imipashi; lubembu ne mfwa). [w97-CW 2/1 ibu. 5 para. 1]
29. Mu kufikilishiwa kwa kupelako ukwa Ukutendeka 22:18, ubufyashi bulosha (kuli Isaki; ku Bena Israele; kuli Yesu na ba 144,000). [Ukubelenga Baibolo ukwa cila mulungu; moneni w98-CW 2/1 ibu. 14 para. 8.]
30. (Ukumfwila Amalango ya kwa Mose; Ukumona Lesa ngo wa cine cine kuli wene no kutiina ukumufulwisha; Ukutiina ukukandwa) e kwaafwile Yosefe ukucincintila amatunko ya bucisenene. (Ukute. 39:9) [Ukubelenga Baibolo ukwa cila mulungu; moneni w81-CW 8/15 ibu. 7 para. 5.]
Linganyeni amalembo yakonkapo ku bulondoloshi buli pe samba:
Amapi. 5:3, 4; 15:22; 20:11; Efes. 5:19; 2 Tim. 3:16
31. Calikatama abafyashi ukushininkisho kuti abana babo basumina no mutima onse mu bucindami bwa kwikala ubumi bwa mibele isuma kabili ubwasanguluka. [fy-CW ibu. 67 para. 8]
32. Ilyashi lyabamo isenge pa kati ka bafyashi na bana babo abapungwe e lilenga kubeko ukulanshanya kwakakuka. [fy-CW ibu. 65 para. 4]
33. Ukukwata imibele ya mutima iyalungama e muti wa kuwamyako ukwimba pa kulongana. [w97-CW 2/1 ibu. 27 para. 3]
34. Ukumfwikisha ifisambilisho fya Cebo ca kwa Lesa, Baibolo, e cifwaikwa pa kukwata umweo wa muyayaya. [w97-CW 8/15 ibu. 6 para. 5]
35. Pa kusengauka amatunko ya bucisenene, tufwile ukwishibo kuti bwalibipa kabili kuti bwaletako akayofi no kukalipwa. [fy-CW ibu. 93 para. 9]