Ukulongana kwa Mulimo Ukwa November
Umulungu wa Kutampa November 1
Ulwimbo 156
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Landeni pa kamutwe kaleti “Moneni Amaka ya Baibolo!”
15 min: “Ukushimikila Kulatupaatulako.” Intendekelo tailingile ukucila pali miniti umo, kabili lanshanyeni ifipusho ne fyasuko. Ukubomfya icitabo ca Ukwishiba, ibula 173 paragrafu 8, londololeni mu kwipifya ifyo twingakoselesha umusambi wa Baibolo ukulunduluka ukufika ku kubombako umulimo wa mwi bala.
20 min: “Nani Engasumina Ukusambilila Baibolo?” Ilyashi ne filangililo. Ukulingana na paragrafu 4, langilileni inshila shimo shimo ishingabomfiwa mu kwaafwa umuntu ukufwaisha ukusoma impapulo shesu. Pekanyeni ifilangililo fibili ifipi ifilelangilila ifyo ico cingacitwa. Ipusheni ibumba ukulondolola fintu batunguluka mu kutampa amasambililo.
Ulwimbo 198 ne pepo lya kusondwelela.
Umulungu wa Kutampa November 8
Ulwimbo 204
10 min: Ukubilisha kwa pa mwenu. Lipoti wa ndalama. Cinkuleniko bamunyina ukupekanishisha libela ku kulanshanya amaparagrafu ya kubalilapo 18 mu ca mu kati ca buno Ubutumikishi Bwesu umulungu ukonkelepo.
15 min: Umukululo wa Fipusho. Ilyashi. Londololeni amapekanyo ya pa mwenu ukulosha ku busaka ne misungile ya Ng’anda ya Bufumu.
20 min: “Cinshi Mukasosa ku MuShilamu?” Ifipusho ne fyasuko. Komaileni pa bucindami bwa kuba aba mucetekanya lintu mulelanshanya na bantu ba ntambi shapusanako. Pekanyeni icilangililo icapitulukwamo bwino. Nga mulefwaya ifyebo fyalundwako pa lwa buShilamu, moneni ica mu kati ica Ubutumikishi Bwesu Ubwa Bufumu ubwa February 1998; icitabo ca Ukupelulula, amabula 23-4; na Ukusapika Lesa Ukwa Mutundu wa Muntu, icipandwa 12.
Ulwimbo 208 ne pepo lya kusondwelela.
Umulungu wa Kutampa November 15
Ulwimbo 211
8 min: Ukubilisha kwa pa mwenu. Bilisheni ukutantika kwa mulimo wa mwi bala pa mpela ya mulungu.
25 min: “Cenjeleni ku Busanso Bwaba mu Kubomfya Intaneti!” Bomfyeni ifipusho ne fyasuko mu kulanshanya amaparagrafu 1-18. Belengeni amaparagrafu 4-7, 12, 16, 17. Koselesheni bonse ukupekanya bwino amaparagrafu yashalako 19-36 ayakesalandwapo umulungu uleisa.
12 min: Mwe Bafyashi—Bushe Mulatungulula Lyonse Isambililo lya Lupwa? Ilyashi no kulanshanya ne bumba lyonse. Londololeni umulandu indupwa shifwile ukusambilila Baibolo capamo. (Moneni Icitabo ca Kutungulula Isukulu, amabula 37-8.) Landeni pa lwa ifi fipindami fye sambililo lya lupwa: (1) ukutontonkanya ukuti abana bacepesha tabakulaumfwa, (2) ukutontonkanya ukuti abana bafwile ukusangwa fye ku kulongana, (3) ukufunshika ku mulandu ne fya kucita ukufula, atemwa (4) ukupumbulwa kuli televishoni. (Moneni Ulupungu lwa kwa Kalinda ulwa May 15, 1994, amabula 11-12.) Ipusheni imitwe ya ndupwa ishimike fintu yacimfya ifipindami no kutwalilila na programu yabo iye sambililo lya lupwa. Komaileni pa fishinka fya kuti ukuibikilishako, umupampamina, no kubombela capamo e fifwaikwa.
Ulwimbo 217 ne pepo lya kusondwelela.
Umulungu wa Kutampa November 22
Ulwimbo 158
10 min: Ukubilisha kwa pa mwenu ne fya kukumanya fya mu mulimo wa mwi bala.
10 min: Mumona Shani Umulimo Mwapeelwa? Ilyashi ukulandwa na eluda. Pa kuti icilonganino cibombe bwino kwaliba ifikabilwa ifingi: ukupekanya amaprogramu; ukupitula bamo pa kuya ku kulongana nelyo mu mulimo; ukwafwilisha abakoloci; ukuwamya, ukulungisha, no kusakamane Ng’anda ya Bufumu, ukusanshako no kusakamana ulubansa. Mwankulako shani lintu bamulomba ukwafwilisha? Bamo balakaana, atemwa ukushimunuka, nelyo ukukanapwisha incito. Londololeni insansa shaba mu kusumina no kubomba umulimo mupeelwe. Koselesheni bonse mu cilonganino ukuba no mupashi wa kubomba mu kuitemenwa.—Amalu. 110:3; Esa. 6:8.
25 min: “Cenjeleni ku Busanso Bwaba mu Kubomfya Intaneti!” Ifipusho ne fyasuko, amaparagrafu 19-36. Belengeni amaparagrafu 23-5 na 34-6.
Ulwimbo 223 ne pepo lya kusondwelela.
Umulungu wa Kutampa November 29
Ulwimbo 215
10 min: Ukubilisha kwa pa mwenu. Cinkuleniko bonse ukuleta amalipoti ya mulimo wa mwi bala aya November.
15 min: Koselesheni Abapya Ukulasangwa mu Kulongana. Eluda alanshanya na babomfi batumikila babili nelyo umo, muli broshuwa itila Inte sha kwa Yehova Shicito Kufwaya kwa kwa Lesa, amabula 14-15. Londololeni umulandu cacindamina ukuti abapya balesangwa mu kulongana. Ku kulongana e ko bengasambilila ifingi, ukukoseleshiwa, no kwafwiwa. Lumbuleni ukulongana kusano ukwa cila mulungu, kabili londololeni ubusuma bwaba muli uku kulongana kumo na kumo. Landeni pa fyo ukulongana kuluminisha imibele ya bukapepa, ukukuulilila bumupashi, ukutupalamika ku kuteyanya, no kutupalamika kuli bamunyina, kabili no kutwaafwa ukumfwikisha imifwaile ya kushimikila. Koselesheni ibumba ukubomfya uyu broshuwa mu kwaafwa abapya ukulasangwa mu kulongana.
20 min: Twatemwisha—New World Translation. Ilyashi ne filangililo. Ukupepa kwesu kwalipusana no kupepa kwa bambi pantu ifwe tulasabankanya, ukubomfya, no kushalika Baibolo iyapilibulwa na bakapepa ba kwa Yehova abasubwa. Te kutila tulamwenamo icibwesha atemwa ukutandanya ifisambilisho fyaibela. Lelo, tufwaya ukucindika ishina lya kwa Lesa no kwaafwa bambi ukumwishiba bwino. Amabupilibulo yambi aya Cebo ca kwa Lesa yalikosa ukumfwa, e co londololeni ifishinka fyaumfwika ifilangilila ubusuma bwaba muli New World Translation. (Moneni icitabo ca “Amalembo Yonse,” amabula 327-31. Sakamaneni ifili mu paragrafu 3, peleeni ifya kumwenako fya numbwilo shalungama mu paragrafu 6, komaileni pa fyo tumwenamo ifili mu paragrafu 22-3.) Pekanyeniko ifilangililo fibili mu kwipifya ifingatwaafwa ukwasuka nga ca kuti batwebele ukuti, “Mwalikwata Baibolo wenu.”—Moneni icitabo ca Ukupelulula, amabula 272-73.
Ulwimbo 205 ne pepo lya kusondwelela.