Ukutantika Ukulongana kwa Mulimo
Umulungu wa Kutampa March 13
Ulwimbo 118
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.
15 min: “Tushimikila Imbila Nsuma.” Amashiwi ya kwiswila tayalingile ukucila pali miniti umo, kabili tendekeni ifipusho ne fyasuko. Peeleni ifya kumwenako ifisuma ifya mu Malembo ifingabomfiwa lintu tuletambike citabo ca Ukwishiba mu butumikishi.
20 min: “Bushe mu April 2000 Kuti Twabomba Ifyo Tushabala Atubombapo Kale?” (Amaparagrafu 1-11) Ifipusho ne fyasuko. Lumbuleni impendwa yacilile ishibiye iya ndakai iya bapainiya ba kwafwilisha mu cilonganino. Ipusheniko bamo pali aba bapainiya bashimike ifyo banonkelemo mu kwingilishako ubutumikishi bwabo. Koselesheni icilonganino ukubombesha pa kuti kwingaba ukufika pa cipimo cipya ica bapainiya ba kwafwilisha mu April. Lumbuleni ififwaikwa fyaba mu citabo ca Abateyanishiwa, amabula 113-14. Bakasabankanya abengafwaya ukubombako bupainiya bwa kwafwilisha kuti bapoka formu wa kwipushishapo pa numa ya kulongana.
Ulwimbo 187 ne pepo lya kusondwelela.
Umulungu wa Kutampa March 20
Ulwimbo 21
10 min: Ukubilisha kwa pa mwenu. Lipoti wa ndalama.
15 min: “Cinshi Ningacita?” Katungulula we sambililo lya citabo alanshanya ici cipande no mubomfi utumikila umo atemwa babili. Pa mulandu wa kupelebela muli fimo fimo, bakasabankanya bamo kuti batontonkanya ifyo te kuti bafwilisheko sana ku mibombele ya cilonganino. Londololeni inshila shimo shimo shintu ifwe bonse twingafwilishishamo icilonganino no kutwala umulimo wa Bufumu pa ntanshi. Pa kulekelesha langilileni fintu umo “Akana Muli Lipoti wa Kupelako.”—Moneni Abateyanishiwa, amabula 108-10.
20 min: “Bushe mu April 2000 Kuti Twabomba Ifyo Tushabala Atubombapo Kale?” (Amaparagrafu 12-18) Ifipusho ne fyasuko. Mu kwipifya, citeniko icilangililo cimo pa fyo mwingalaalika uo mwaishibana na o ukusangwa ku Cibukisho. Landeni pa mweshi wa April pali Kalenda uwa mu 2000, kabili londololeni fintu ukukumana kwa mulimo kukalaba pa cilonganino cenu. Cinkuleni ibumba ukutantika imibombele yabo bwino pa kuti bengabombako mu butumikishi muli uyu wine mweshi, kabili bikeni ubuyo bwa kuti bonse mu cilonganino bakabombeko ubutumikishi. Koselesheni bonse abengabombako bupainiya bwa kwafwilisha ukupokako formu wa kwipushishapo pa numa ya kulongana.
Ulwimbo 65 ne pepo lya kusondwelela.
Umulungu wa Kutampa March 27
Ulwimbo 119
10 min: Ukubilisha kwa pa mwenu. Cinkuleniko bonse ukuleta amalipoti ya mulimo wa mwi bala aya March. Bilisheni amashina ya bakabombako bupainiya bwa kwafwilisha mu April. Londololeni ukuti inshita iciliko iya kuleta amaformu ya kwipushishapo. Tantawileni ukutantika kwa kukumana kwa mulimo wa mwi bala ukwa mu April. Koselesheni bonse ukubombako mu butumikishi pa mpela ya uno mulungu, pa kuti kwingaba ukutendeka bwino umweshi wa April. Tukalashalika Ulupungu lwa kwa Kalinda na Loleni! mu April. Landeni pa lyashi limo ne fishinka fili muli magazini umo na umo uwa nomba line ifingabomfiwa ukwabula ubwafya ilyo mulemutambika. Bonse balingile ukukwata broshuwa wa Cintu Lesa Afwaya kabili no kwesha ukutendeka amasambililo ya Baibolo ku balesekelela.
13 min: “Lombeni Ubwafwilisho.” Ilyashi no kulanshanya ne bumba lyonse ukulandwa na eluda. Londololeni ukuti inshita shimo ifwe bonse tulafwaya ukwafwilishiwa mu nshila imo. Kwena, cila muntu afwile ukusenda icipe cakwe umwine. (Gal. 6:5) Nangu cibe fyo, nga ca kuti twafilwa ukusenda icipe cesu, tatufwile ukuwayawaya ukulomba ubwafwilisho kuli munyina nelyo nkashi uwafikapo lwa ku mupashi uo tulongana na o. Ipusheni ibumba ukushimikako ifya kukumanya filelangilila fintu bakoseleshiwe lintu bambi babafwile.
10 min: Ukukabila kwa pa mwenu.
12 min: “Bushe Mwalilembesha Ubwingi bwa Bamagazini Mulefwaya Ukulapokako?” Lanshanyeni no kupitulukamo ne bumba. Ipusheni bamo balandeko ifyo bakulakonka ukukoseleshiwa kupeelwe.
Ulwimbo 195 ne pepo lya kusondwelela.
Umulungu wa Kutampa April 3
Ulwimbo 72
10 min: Ukubilisha kwa pa mwenu ne fya kukumanya fya mwi bala. Landeni pa fya kukumanya fya mwi bala ifya nomba line ifya mu cifulo cenu ica kubombelamo ifingakoselesha bambi ukubombako umulimo wa mwi bala.
17 min: “Ukusambilila Icitabo ca Ukusesema kwa kwa Daniele.” Ifipusho ne fyasuko. Mu kwipifya landeni pa fyo tukanonkelamo mu kusambilila ibuuku lya mu Baibolo ilya kwa Daniele. (Moneni icipandwa 1, amaparagrafu 15-17, mu citabo ca Ukusesema kwa kwa Daniele.) Koselesheni bonse ukulasangwa kwi Sambililo lya Citabo pa Cilonganino cila mulungu.
18 min: Bushe Ningile Ukuseba Ukulufyanya Kwabipisha? Ilyashi lya kulungatika ukulandwa na eluda ku bacaice. Ubwikashi bwa ndakai bwaliletako amafya ku bacaice pamo nga: imibele yabotelela, ukwanana kwa lukaakala, ukukunkuma ku miti, no kubulwa umucinshi ku baletungulula. Abacaice bamo ni bamyalumyalu, e kuti balafishilisha imisango yabo iyabipa. Ici cilaleta ubwafya kuli bumupashi bwa cilonganino conse. Bamo balacite filubo ifyabipisha no kufishilisha fyene. Nga ca kuti mwasanga ukuti munyina atemwa nkashi untu mwaba na o mu cilonganino alitoba ifunde lya kwa Lesa, cinshi mulingile ukucita? Londololeni icishinte caba pa Ubwina Lebi 5:1. (Moneni Ulupungu lwa kwa Kalinda ulwa August 15, 1997, amabula 27-30.) Moneni citabo ca Ifipusho Abacaice Bepusha, amabula 68-9, kabili londololeni cintu umuntu afwile ukucita pa mulandu wa musango yu.
Ulwimbo 68 ne pepo lya kusondwelela.