Ukutantika Ukulongana kwa Mulimo

Umulungu wa Kutampa June 12

Ulwimbo 136

8 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.

15 min: “Ukucucutika Kwenu te kwa Fye.” Ukulandapo kwenu ukwa kwiswila kwicila pali miniti umo, kabili tendekeni ukulanshanya kwa fipusho ne fyasuko. Landeniko na pa ca kukumanya caba mu Ulupungu lwa kwa Kalinda ulwa June 15, 1996, pe bula 32.

22 min: Ukutendeka Amasambililo Muli Broshuwa wa Cintu Lesa Afwaya. Ilyashi, ukupituluka mu cipande ca mu Ubutumikishi Bwesu Ubwa Bufumu ubwa January 1999, pe bula 6. Citeniko icilangililo ukubomfya imitubululo yaba mu paragrafu 6. Landeni pa lwa kusangwilako ku mulimo. Ipusheni kasabankanya umo nelyo babili bashimike mu kusupawila ifyo batunguluka mu kutendeka amasambililo ne fyo bacita pa kutwalilila ukulatungulula ayo masambililo umulungu no mulungu.

Ulwimbo 209 ne pepo lya kusondwelela.

Umulungu wa Kutampa June 19

Ulwimbo 14

10 min: Ukubilisha kwa pa mwenu. Lipoti wa ndalama.

15 min: Ukulanda pa ciputulwa ca kubalilapo ica Umukululo wa Fipusho. Ilyashi ukulandwa na eluda.

20 min: “Ningeshiba Shani Kano Umuntu Antungulula?” Ilyashi lya fipusho ne fyasuko ukulandwa kuli Kangalila wa mulimo. Lekeni paragrafu umo na umo abelengwe mu kupongomoka kabili belengeni amalembo mu maparagrafu 3, 4, na 7. Ilyo mulelanshanya paragrafu 6, londololeni ifyo kangalila wa mulimo abomba mu kumona nga ca kuti amasambililo ya Baibolo yalingile ukutendekwa na kabili ku bantu ababatishiwa.—Moneni Umukululo wa Fipusho mu Ubutumikishi Bwesu Ubwa Bufumu ubwa November 1998.

Ulwimbo 89 ne pepo lya kusondwelela.

Umulungu wa Kutampa June 26

Ulwimbo 39

10 min: Ukubilisha kwa pa mwenu. Cinkuleniko bakasabankanya ukuleta lipoti wa mulimo wa mwi bala uwa June. Landeni pa lupapulo lwa kutambika mu July. Langisheni amabroshuwa ya kale ayalipo pa mwenu, no kusupawila imifwaile ya imo na imo. Citeniko icilangililo capekanishiwa bwino ica kulangilila ifya kushalika umo uwa ayo mabroshuwa mu butumikishi. Mwilaba ukukumyako na ku busuma bwaba mu mitantikile ya kushalika ukwabula ukupingula umutengo.

17 min: Beni “Abape, Aba Nkumbu.” Ifipusho ne fyasuko. Landeni na pa milandu ine iyo “Tupeelela” iyalandwapo mu Ulupungu lwa kwa Kalinda ulwa November 1, 1996, pa mabula 29 na 30.

18 min: Ishibeni Ifya Kwasuka. (Kol. 4:6) Ilyashi no kulanshanya ne bumba lyonse. Mucita shani nga mwakumanya umuntu uulecita ifikansa pa fintu fimo ifyo amalembo yashisambilisha? Ilingi line kulaba ukushukila icitabo ca Ukupelulula pantu mwaba imitubululo pa fya kwasuka mu mucenjelo. Ku ca kumwenako, nangu line ifwe twalishiba ukuti imfwa mulwani wesu kabili ikacimfiwa ku cilubula ca kwa Kristu, bamo baishiba ukuti takwaba icingafumyapo imfwa, e calenga bene ukutetekela na mu cisambilisho ca bufi ica kufyalwa cipya cipya. Lanshanyeni pa fya kwasuka ukulingana na filya fyaba mu citabo ca Ukupelulula mu ciputulwa ca kuti “Nga umo Asosa Ukuti—” pa mabula 144, 145 na 367. Koselesheni bonse ukulaenda ne citabo ca Ukupelulula mu butumikishi bwa mwi bala.

Ulwimbo 44 ne pepo lya kusondwelela.

Umulungu wa Kutampa July 3

Ulwimbo 213

15 min: Ukubilisha kwa pa mwenu ne fya kukumanya fya mu mulimo wa mwi bala. Landeni pa ciputulwa ca bubili ica Umukululo wa Fipusho, ukulingana na fintu ifyebo fingabomba pa mwenu. Ipusheni bakasabankanya abatendeka amasambililo muli broshuwa wa Cintu Lesa Afwaya ukushimika ifyo ici cacitilwe.

10 min: Ukukabila kwa pa mwenu.

20 min: Ukukonka Ifishinte fya Mafunde ya mu Baibolo Kulakosha Imikalile ya mu Lupwa. Bamunyina babili balanshanya ifishinka 8 ifyaba mu citabo ca Ukupelulula pa mabula 132 na 133. Londololeni ubucindami bwaba mu kulondolwela abasambi ba Baibolo ukuti insansa sha lupwa shaba mu kumfwa no kukonka ifishinte fyaba mu Cebo ca kwa Lesa. Ukubomfya Isambililo 8 muli broshuwa wa Cintu Lesa Afwaya, langilileni ifyo indupwa shingacite co. Indupwa shumfwila ukufunda kwa mu Baibolo shilekatana no kusekelela icine cine kabili shilatemwana. Shimikeni ifya kukumanya mu citabo ca Insansa sha Lupwa icipandwa 13, amaparagrafu 1, 21, na 22.

Ulwimbo 51 ne pepo lya kusondwelela.