Ukutantika Ukulongana kwa Mulimo

Umulungu wa Kutampa November 12

Ulwimbo 170

8 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Landeni pa fyo mutantike ukubomba ubutumikishi bwa mwi bala pa mpela ya mulungu.

15 min: “Shintilileni Pali Yehova ku Kumukosha.”a Landeniko na pa fyebo fili mu Ulupungu lwa kwa Kalinda ulwa October 1, 1999, amabula 18-19, amaparagrafu 6-8.

22 min: “Ifyo Tupaalwa nga Tuletasha pa fyo Yehova Atutemwa—Ulubali 1.”b Ilyo mulelanshanya amaparagrafu 3-6, ebeni icilonganino ukushimika ifyo bakumanya mu bunte bwa ku ng’anda ne ng’anda, mu bunte bwa mu musebo, mu fipempu fya kubwelelamo, na lintu baletungulula amasambililo ya Baibolo.

Ulwimbo 191 ne pepo lya kusondwelela.

Umulungu wa Kutampa November 19

Ulwimbo 172

8 min: Ukubilisha kwa pa mwenu. Lipoti wa ndalama.

15 min: Ukukabila kwa pa mwenu.

22 min: “Kansheni Ukulingulula Kwenu.”c Eluda atungulula ukupitulukamo muli programu wa bushiku bwa kulongana kwaibela ukwaliko mu mwaka wa mulimo uwapwile.

Ulwimbo 195 ne pepo lya kusondwelela.

Umulungu wa Kutampa November 26

Ulwimbo 177

15 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya November. Konkeni imitubululo ipeelwe pa mutwe wa kuti “Ifya Kusosa pa lwa Bamagazini,” kabili citeni ifilangililo fibili ifyapekanishiwa bwino ku kulangilila ifya kushalika bamagazini—umo ashalike Ulupungu lwa kwa Kalinda ulwa December 1, umbi na o ashalike Loleni! wa December 8. Lyene londololeni ifya kusanga ifyo twingasosa pa kushalika icitabo ca Umuntu Wakulisha Uwabalile Abako Uwa Mweo nelyo impapulo shimbi isho tukashalika mu December. Moneni muli Watch Tower Publications Index pa mutwe wa kuti “Presentations” [Ifya Kushimikila] na pa kamutwe ka “List by Publication” [Ulupapulo no Lupapulo]. Landeniko pa fya kumwenako fibili nelyo fitatu. Koselesheni bonse ukulabomfya libili libili trakti wa Bushe Kuti Mwatemwa Ukwishiba na Fimbi Pali Baibolo?

15 min: “Ni Kwi Ningasanga Inshita?” Ilyashi no kulanshanya ne bumba lyonse. Landeniko pa fishinka fikalamba ifili mu Ulupungu lwa kwa Kalinda ulwa October 1, 2000, amabula 20-21, amaparagrafu 9-10 pa kamutwe kaleti “Ifyo Bamo Basanga Inshita ya Kusambilila.” Ebeni ibumba lilandepo inshila shimo isho basangilamo inshita ya kucita ifyacindamisha pa kukanacita imilimo iishacindama. Komaileni pa fyo cacindama ukutantika inshita ya kukwata isambililo lya pa lwenu ne lya lupwa, iya kulongana, iya kuya mu butumikishi bwa mwi bala, ne ya kubelenga Baibolo cila bushiku.

15 min: Abacaice Balelumba Yehova. Ukulanshanya ne bumba lyonse. Mu filonganino ifingi mwaba abacaice abengi ababombako umulimo wa kushimikila. Calilinga ukuti balecite co, nangu line ilingi bashimikila ku bakalamba. (Amalu. 148:12, 13; Mat. 21:15, 16) Nga ca kuti abafyashi na bakasabankanya bambi balebapoosako amano, balebakansha no kubakoselesha, abacaice balasekelela sana ukubomba umulimo wa mwi bala. Ebeni ibumba ukulanda pa fyo bengabomba pamo na bacaice mu kushimikila ku ng’anda ne ng’anda na ku fipempu fya kubwelelamo. Ipusheni abafyashi ukulondolola ifyo bacita pa kwafwilisha abana babo ukusambilila ifya kushalika bamagazini, ukubomfya Baibolo ilyo baleshimikila, no kuicetekela ilyo balelanda na mwine ng’anda. Komaileni pa fyo ukutasha abana kwawama. Lanshanyeni no kwipusha kasabankanya wacaice umo nelyo babili, kabili lekeni balande ifyo baipakisha pa lwa kushimikila ne co baipakishisha.

Ulwimbo 198 ne pepo lya kusondwelela.

Umulungu wa Kutampa December 3

Ulwimbo 179

10 min: Ukubilisha kwa pa Mwenu. “Bambi Bashintilila Pali Imwe.”d Koselesheni bonse ukutontonkanya pa mulimo babomba mu kukuulilila indupwa shabo ne cilonganino. Bonse tulacita ifingi ku kukosha bambi ukupitila mu ca kumwenako cesu na mashiwi ya kukoselesha.

15 min: Ifyaba mu Citabo ca Ukupelulula. Ukulanshanya ne bumba lyonse. Bebeteni ifyo ifya kumwenako fyakonkapo ifyalekanalekana mu citabo fitwafwa sana ukulondolola ifisambilisho fya mu Baibolo: Moneni Ubulondoloshi pa fintu pamo nga “Ubufumu” (amabula 256-7) nelyo “Umupashi” (ibula 400); amashiwi yamo ayapalako ukufuma mu maBaibolo yalekanalekana, ayalanga uko ishina lya kwa Lesa lisangwa ne fyo lyabomfiwa mu Baibolo (amabula 419-21) nelyo icine pa lwa helo (amabula 103-4); calilanda sana pa fisambilisho ifitupaatulako ku mipepele imbi (amabula 180-3) nelyo ukulanga ifyo umuntu engeshiba imipepele yalungama (amabula 288-90); ilyashi lya kale ililanga uko Krisimasi yafuma (amabula 45-8) nelyo ifyo Abena Kristu ba kubalilapo bashaipoosele mu fya calo (amabula 368-70); Ubushininkisho bwa sayansi ubulanga ukuti kwali ukubumbwa, (amabula 252-6) nelyo ukulangilila ifyo ukupeepe bange na fwaka konaula umubili (amabula 157-60). Koselesheni bakasabankanya ukubomfya ici citabo ca kwafwa ukusambilisha lyonse ilyo cakabilwa mu butumikishi bwa mwi bala.

20 min: “Natukwata Icibombelo Cipya ica Kutendekelako Amasambililo!” Ukulanshanya ne bumba lyonse ukutungululwa na kangalila wa mulimo. Pa mubalo, lekeni bakapyunga bapeele bonse mwi bumba trakti mupya uuleti Bushe Kuti Mwatemwa Ukwishiba na Fimbi Pali Baibolo? Citeni ne filangililo fibili ifyapekanishiwa bwino, ukukonka imitubululo ili mu mukululo uleti “Ifyo Twingasosa pali Bamagazini.” Kasabankanya umo ashalika Ulupungu lwa kwa Kalinda ulwa November 15, kabili umbi ashalika Loleni! wa December 8. Bonse bakasabankanya pa kusondwelela bashalike trakti wa Ishibeni Baibolo kuli mwine ng’anda, umo ashalika ku ukene ukupoka magazini e lyo umbi ku upokele. Koselesheni bonse ukupeela trakiti mupya kuli bonse abo basanga mu butumikishi.

Ulwimbo 200 ne pepo lya kusondwelela.

[Amafutunoti]