Ukutantika Ukulongana kwa Mulimo
Umulungu wa Kutampa April 8
Ulwimbo 39
13 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo ili pe bula 8, citeniko ifilangililo fibili pa fya kutambika Ulupungu lwa kwa Kalinda ulwa April 15 na Loleni! wa April-June. Mu cilangililo cimo cimo, langeni inshila shapusana isha kwasukilamo umuntu uulefwaya ukucilikila ukulanshanya ilyo atila “Nalikwata ubutotelo bwandi.”—Moneni icitabo ca Ukupelulula, amabula 18-19.
12 min: Ukukabila kwa pa mwenu.
20 min: “Tubombe Icisuma Kuli Bonse.”a Pa numa ya kulanshanya ifipusho ne fyasuko, ipusheni kasabankanya umo nelyo babili bashimike ifyo balelundulula ubutumikishi bwabo.
Ulwimbo 157 ne pepo lya kusondwelela.
Umulungu wa Kutampa April 15
Ulwimbo 101
10 min: Ukubilisha kwa pa mwenu. Lipoti wa ndalama.
15 min: Bapainiya Twalilileni Ukwaafwa Bambi. Kangalila wa mulimo alanshanya na kangalila we Sambililo lya Citabo, painiya, na kasabankanya. Kangalila wa mulimo apituluka muli programu waleti Bapainiya Baleafwa Bambi, uwali mu Ubutumikishi Bwesu Ubwa Bufumu ubwa September 1998, pe bula 4. Lyena aipusha umo umo ukulanda imilimo yakwe iyo afwile ukubomba muli uyu programu na fintu umulimo wabo uleyafwa. Cinshi bacita pa kuti umulimo ubombwe bwino? Kangalila wa mulimo aipusha bakasabankanya bonse ukumweba nga ca kutila balefwaya ukwafwiwa mu butumikishi. Balya abayafwilweko kale na bo bene kuti babikwapo na kabili pa kuti bakakanshiwe mu nshila na shimbi isha kushimikilamo.
20 min: “Insansa Shaba mu Mulimo wa Nshita Yonse.”b Koselesheni abacaice ukwipushako bupainiya bwa kwaafwilisha mu myeshi ileisa.
Ulwimbo 199 ne pepo lya kusondwelela.
Umulungu wa Kutampa April 22
Ulwimbo 90
10 min: Ukubilisha kwa pa mwenu. Ukubomfya imitubululo pe bula 8, ebeni umubomfi utumikila alangilile ifya kutambika Ulupungu lwa kwa Kalinda ulwa May 1 kabili ebeniko na nkashi alange ifya kutambika Loleni! wa April-June. Pa numa ya cilangililo cimo cimo, bwekeshenipo amashiwi ya kubalilapo ayo acilanda kuli mwine ng’anda pa kumulenga afwaye ukumfwa na fimbi.
10 min: Mwilacelwa! Ilyashi. Imilimo yakuma ukupepa kwesu no butumikishi, yalicindama sana, kabili ifwaye “nshita iyalingwa.” (Luka. Mil. 3:1) Tufwaya ukumwenamo nga nshi mu mateyanyo ya butumikishi ubo tubombela Lesa. Ukulongana kwa Cilonganino no kukumana kwa kuya mu butumikishi fifwile ukutendeka lilya line fye inshita yatantikwa yakumana. Yehova tacelwa pa kubomba imilimo yakwe. (Haba. 2:3) Bushe tulekabila ukuwamyako pa lwa uyu mulandu? Inshita shimo shimo, bamo pa mulandu wa kufilwa umwakulosha kuti bacelwa. Lelo nga tulepekanya bwino, tatufwile ukuba no yu musango wa kucelwa, ukufika ninshi nabemba kale ulwimbo nabapepa ne pepo lya kwiswila ukulongana nelyo ukufika ninshi nabapwisha amapekanyo yonse aya kuya mu mulimo wa mwi bala. Landeniko inshila shimo isha kulundulwilamo imibele isuma iikalenga twilacelwa ku milimo yonse iya ku mupashi.—Moneni Ulupungu lwa kwa Kalinda ulwa June 15, 1990, ibula 29.
25 min: “Baibolo Yalikwata Amaka”c Sondweleleni na mashiwi ya kukoselesha ayepi aya kusupula ifishinka ifingabomba ku fyo cilonganino cenu cilekabila ukucita.
Ulwimbo 191 ne pepo lya kusondwelela.
Umulungu wa Kutampa April 29
Ulwimbo 162
10 min: Ukubilisha kwa pa mwenu. Cinkuleniko bakasabankanya ukuleta amalipoti ya April.
15 min: “Ukushimikila pa lwa Bufumu Kulaafwa Ukupususha Abantu!”d Ipusheni ibumba balandeko pa fyo amalembo yengabomfiwa.
20 min: Sokoteni Ukubomfya icitabo ca Ukupelulula. Ukulanshanya ne bumba. Ilingi line mu butumikishi kulaba ifipusho pa lwa malyashi ayashaba pa “Amalyashi Yakalamba” (amabula 5-6) mu citabo ca Ukupelulula. “Icisontelelo” (amabula 439-45) cilaafwa sana pa kusanga Amalembo yalanda pa fyo twasuminamo. Ebeni abali mwi bumba balande ifya kusanga ifyasuko ku fipusho fili pe samba ukubomfya icisontelelo pa mashiwi yapindeme: Bushe Umwina Kristu amona shani inyimbo sha cishipa na imendela? Mulandu nshi Lesa asuminishisha utuyofi? Bushe kuti mwalondolola shani ifyo Baibolo ilanda pa ukulekana? Mulandu nshi bankashi balingile ukufimbanina ku mutwe kabili ni lilali bafwile ukucita ifyo? Ni kwi kwatuntuka ukusefya Ubushiku bwa Banyina? Twaishiba shani ukuti impendwa 144,000 iyaba mu Baibolo ya cine cine? Bushe umulumbe wa Umuntu mukankaala na Lasaro walola mwi? Koselesheni bonse ukubomfya icitabo ca Ukupelulula mu butumikishi.
Ulwimbo 28 ne pepo lya kusondwelela.
Umulungu wa Kutampa May 6
Ulwimbo 141
10 min: Ukubilisha kwa pa mwenu.
10 min: Ukupangila Libela. Ilyashi no kulanshanya ne bumba. Lumbuleni ifyo mulepanga ukucita imyeshi ileisa: ukusangwa kwi bungano lya citungu inshiku shonse, ukubombako bupainiya bwa kwaafwilisha umweshi umo nelyo ukucilapo, ukuwamya ing’anda yenu, ukuba pa cuti nelyo ukuya mukwangalako. Ipusheni bamo balandeko ifili amapange yabo na fintu bengacita pa kuti tabalekeleshe isambililo lya lupwa, ukulongana kwa cilonganino, no mulimo wa mwi bala, nangu fye ilyo baya kumbi. Icilonganino nga calikwata icifulo ca kushimikilamo icishibombelwamo libili libili, bilisheni amapekanyo mupangile aya kushimikila sana muli ico cifulo.
25 min: “Ni shani Fintu Indupwa Shingakosa lwa ku Mupashi?”e Pa numa ya kulanshanya icipande, shimikeni ifya kukumanya fili mu Ulupungu lwa kwa Kalinda ulwa February 15, 1999, amabula 10-12.
Ulwimbo 17 ne pepo lya kusondwelela.
[Amafutunoti]
a Ukulandapo kwenu ukwa pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
b Ukulandapo kwenu ukwa pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
c Ukulandapo kwenu ukwa pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
d Ukulandapo kwenu ukwa pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
e Ukulandapo kwenu ukwa pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.