Ifya Kulanda Pali Bamagazini

Ulupungu lwa kwa Kalinda July 15

“Bushe mutontonkanya ukuti ababifi balakandwa mu helo? [Lekeni basuke.] Baibolo ilanga bwino bwino icilambu ca lubembu. [Belengeni Abena Roma 6:23a.] E co bushe helo, yaba ni ncende ukwaba umulilo kuntu abantu bapya? Bushe yaba fye mibele ya kupaatuka kuli Lesa? Iyi magazini naikwata ifyasuko fya mu Malembo kuli ifi fipusho.”

Loleni! Jul.–Sep.

“Ukukusha abana kufwile ukuleta insansa maka maka nga bonse balekonka ifishinte fya kwa katendeka wa lupwa. Bushe mwalishiba uwatendeke ulupwa? [Lekeni basuke, belengeni Amalumbo 127:3] Apo ukusakamana abana shino nshiku kubika sana icisendo pali banacifyashi, bushe kuli ifyo bengacita pa kuti batunguluke? Ino Loleni! naikwata ifyebo fisuma pa lyashi lileti ‘Ukucimfya Amafya ya Bunacifyashi.’ Kuti natemwa ukumushiila.”

Ulupungu lwa kwa Kalinda Aug. 1

“Abantu abengi bayumfwa ukuti ukutiine mipashi ne myata yakumako fyaba fye musamwe. [Balangeni icintu cimo nelyo fibili mu mukululo pe bula 5.] Bushe mwalibalatontonkanyapo ukwafuma ifi fintu? [Ilyo baasuka, belengeni 2 Abena Korinti 11:14.] Iyi magazini ilanda pa fyo Baibolo imona ukutiine mipashi.”

Loleni! Jul.–Sep.

“Bushe mwalishibe ukuti Baibolo ilalanda sana pa maka ya kwa Lesa aya kucingilila abamupepa ku fyabipa? [Lekeni basuke] Moneni ifyo ilanda pano mu Amalumbo 140:1 [belengeni ilembo] Nga ca kuti Lesa alikwata maka ya musango yu, mulandu nshi lelo bakapepa Bakwe abengi baliponenwa no lukaakala, imisoka, ubusanso bwa fyabumbwa pe sonde kabili bambi bapusuka kwempe ku mfwa nelyo ukucenwa? Bushe Abena Kristu bafwile ukwenekela Lesa ukubapususha mu cipesha mano lyonse ilyo kwamoneka ubusanso? Ino Loleni! yalamwafwa ukwishiba ifyo Baibolo ilandapo. Nalamushiila.”