Ifya Kulanda Pali Bamagazini

Ulupungu lwa kwa Kalinda July 15

“Tulaba sana no bulanda lintu lupwa wesu nangu umunensu nga afwa. Bushe mutontonkanya ukuti mwaliba cimo icishifwa muli aba bantu? [Lekeni basuke.] Yesu alilaya aya mashiwi ayasuma ayaba pali ili lembo. [Belengeni Yohane 5:28, 29.] Apo Yesu atile ukubuuka ‘kuleisa,’ iyi magazini iletweba ukulingana na Baibolo ifyo abafwa baba.”

Loleni July–Sept.

“Ifwe bonse tubomfya indalama pa kuti tucite icili fye conse ico tulefwaya. Bushe mwalitontonkanyapo ukutila kuti cacitika umuntu ukubika sana amano ku kufwaya indalama? [Lekeni basuke.] Moneni ifyo ili lembo lyalanda pa bubi bwaba mu kufwaisha ukuba ne fyuma? [Belengeni 1 Timote 6:10.] Iyi magazini ilelanda pa nshila ishisuma ishingatwafwa twatendeka ukwangusha imikalile ne fyo twingekala nga ca kuti tukwete fye indalama ishinono.”

Ulupungu lwa kwa Kalinda Aug. 1

“Kuti natemwa ukumfwa ifyo mwingalandapo pali aya mashiwi ya kwa Yesu. [Belengeni Mateo 5:3.] Bushe muletontonkanya ukuti ukupepa Lesa kuti kwalenga twaba ne nsansa? [Lekeni basuke.] Iyi magazini ilelanda ifyo Baibolo yalanda pa kupepa kwa cine ne fyo twingakusanga.”

Loleni July–Sept.

“Muno nshiku abantu bamo balikwata ubwafya bwa kunwesha ubwalwa. Bushe mwalishiba ukutila kwaliba icingafwa umuntu uwakwata ubu bwafwa? [Lekeni basuke.] Ici cishinte ca mu Baibolo e co abengi bakonka. [Belengeni Mateo 5:29.] Ili lyashi lili apa lilelanda pa bantu bamo abalenwesha sana ubwalwa abasalapo ukulekelela fye ukunwa ubwalwa.”