Ifya Kulanda Pali Bamagazini

Ulupungu lwa kwa Kalinda July 15

“Bushe tukabala atukwata ubuteko ubukapwisha amafya ya bantunse? [Lekeni basuke.] Yesu asambilishe abasambi bakwe ukupepa ukuti ubuteko ubukafumyapo amafya bukese. Alandile aya mashiwi pali Mateo 6:⁠9, 10. [Belengenipo.] Uyu magazini alelondolola ico Ubufumu bwa kwa Lesa bwacilila pa kuteka kwa bantunse e lyo iletweba na mapaalo bukaletela abantu.”

Loleni July–Sept.

“Pali lelo, abantu abengi balesakamikwa sana pa fyo ifintu pano calo fileya filebipilako. Abengi basuubila ukuti amabuteko yalipo yakawamya icalo. Bushe na imwe e fyo mumona? [Lekeni basuke.] Baibolo ikoselesha ababomfi ba kwa Lesa ukucetekela Yehova. [Belengeni Amapinda 3:5, 6.] Muli iyi magazini muli icipande icilelanda pa fyo bamo basambilila ukucetekela Lesa.”

Ulupungu lwa kwa Kalinda Aug. 1

“Abantu abengi pali lelo balacusha sana abanabo. Bushe ifintu kuti fyaba bwino nga ca kutila abengi balekonka aya mashiwi ayo Yesu alandile? [Belengeni Mateo 7:12. Lyene muleke basuke.] Iyi magazini iletulanga ukufuma muli Baibolo ifyo abantu bakacindikwa, pantu kwena balikwata isho nsambu.”

Loleni July–Sept.

“Pano calo, abafyashi abengi balafilwa ukulanshanya na bana babo pa fikumine ubwaume no bwanakashi. E fyo caba maka maka muno Afrika. Imwe mumona shani? [Lekeni basuke.] Baibolo taipita na mu mbali ilyo ilanda pali ifi fintu. [Belengeni Ukutendeka 18:11.] Pe bula 10, muli umo magazini, pali icipande icilekoselesha abafyashi abanakashi ukufunda abana babo pali iyi milandu.”