Ifya Kulanda Pali Bamagazini

Ulupungu lwa kwa Kalinda Aug. 15

“Kuti natemwa ukumfwa ifyo mwaishiba pali ifi fyebo ifyo Yesu alandile. [Belengeni Mateo 5:5.] Ifi Yesu alaile nga fyacitika, bushe muletontonkanya ifintu pe sonde fikaba nge fi fine fyaba lelo? [Lekeni basuke.] Iyi magazini iletweba ifyebo fya mu Baibolo ifilanga ifyo Yesu akacita pa kuti isonde likaluke. Iletweba na bantu abakekala pano pe sonde.”

Loleni July–Sept.

“Abantu abengi balabombesha sana ukuti babe ne nsansa, lelo banono sana abashisanga. Bushe pali ifi fintu, pali ifyo mulemona ukutila kuti fyalenga abantu ukuba ne nsansa? [Balangeni umukululo uuli pe bula 9. Lyena mubelengepo ilembo limo pa malembo yali mu mukululo.] Iyi Loleni! iletweba ifyo Baibolo yalanda ukutila e fyo tufwile ukucita pa kuti tusange insansa sha cine.”

Ulupungu lwa kwa Kalinda Sept. 1

“Abengi lelo balileka ukupepa. Bushe umuntu kuti aba umusuma nga alepepa Lesa? [Lekeni basuke.] Moneni ifyo Baibolo yatile e cikalenga abantu bamo ukulapepa mu nshiku sha kulekelesha. [Belengeni 2 Timote 4:3, 4.] Iyi magazini iletweba ifyo ukupepa kwa cine kucindika Lesa ne fyo twinganonkelamo muli uku kupepa kwa cine.”

Loleni July–Sept.

“Umuntu fye onse alakabila ifibusa, abantu abakwangala na bo kabili abengamwafwa ilyo ali na mafya. Bushe mwalitontonkanyapo nampo nga ifibusa fimo twingakwata kuti fyatuletela amafya? [Lekeni basuke.] Iyi magazini iletweba umulandu tufwile ukusalila bwino ifibusa.” Belengeni 1 Abena Korinti 15:33.