Ifya Kulanda Pali Bamagazini

Ulupungu lwa kwa Kalinda Aug. 15

“Kuti natemwa ukumfwa ifyo mwingalandapo pali ili lembo. [Belengeni AbaHebere 3:4.] Bushe mulesumina ukuti uwabumbile ifintu fyonse ifyaba pano calo wa mano nga nshi? [Lekeni balandepo.] Iyi magazini ilelanda pali basayansi nga ca kuti nabo balisumina ukuti kwaliba Kabumba uwakwata amano.”

Loleni July–Sept.

“Baibolo yasobele ukutila cino calo cabipa cili no kupwa. Bushe muletontonkanya ukuti ifwe bonse kuti twatemwa ukwishiba ifyo twingacita pa kuti tukapusuke? [Lekeni balandepo. Lyena belengeni Amapinda 2:20-22.] Ili lyashi lilelanda uko cino calo cilelola. Na kabili lilelondolola ifyo twingacita pa kuti tuicingilile.”

Ulupungu lwa kwa Kalinda Sept. 1

“Abantu abengi batila mu mabuuku ya mu Baibolo ayaba mu ‘Icipingo ca Kale’ mwaliba ifyebo fya kale ifisuma. Lelo balatwishika nampo nga ukufunda ukwabamo kulabomba na muno nshiku. Nga imwe mutontonkanyapo shani? [Lekeni basuke. Lyena belengeni Abena Roma 15:4.] Iyi magazini ilelanda ifyo ‘Icipingo ca Kale’ citupanda amano yasuma muno nshiku no kutweba ifyo ku ntanshi kukaba.”

Loleni July–Sept.

“Abantu bamo balekala bwino, e lyo kwaba na bapiina abengi. Bushe mwalitontonkanyapo ukuti kukaba inshita ilyo kushakabe abapiina? [Lekeni basuke.] Moneni ifyo Lesa amona abapiina. [Belengeni Amalumbo 22:24.] Iyi magazini ilelondolola ifyo Baibolo yasobela ukuti ku ntanshi abapiina tabakalecula.”