Branch Letter

Kuli Bakasabankanya ba Mbila ya Bufumu,

Ala natutemwa nga nshi pa kumona ubuyantanshi bwaliko mu cifulo ico iofesi lyesu ilya Zambia lyangalila mu mwaka wa mulimo uwa 2007! Mu March, twakwete impendwa ipya iya bapainiya ba nshita yonse iya 10,655. Abapwishishe Isukulu lya Butumikishi Ilya Kukansha abatuminwe mwi bala ku kubomba nga bakangalila benda, bapainiya abaibela na ba nshita yonse, balelenga umulimo wa kubila imbila nsuma ukulaenda bwino.

Munyina umo uwapwile Isukulu lya Kukansha ashimika ifyo cali ilyo aile mu mulimo wa mwi bala inshiku sha kubalilapo fye ilyo afumine ku sukulu, atile: “Ilyo twaile mu mulimo wa mwi bala pa bushiku fye bwa kubalilapo, abantu balipapile ukutumona tuleshimikila ukufuma ku ng’anda ne ng’anda. Baletwipusha abati ‘Mwafuma kwi, tatwabala atumonapo abantu balebomba ifi mulecita?’ Ici cacitike calengele ukuti tutendeke umulimo wa kwafwa bakasabankanya pa kuti balebomba bwino imilimo ya mu lupwa ne milimo ya mu cilonganino.” Pa kuti umuntu alebomba bwino icifwaikwa kutantika fye bwino imibombele. Bakasabankanya abakalamba ababelela ukubomba kuti balesambilishako abaice ifya kubomba bwino.

Icingacitika nga kwaba ukubombela pamo ukwa musango uyo cisuma nga nshi. Amatrakiti nalimo 2 milioni aya Imbila ya Bufumu Na. 37, iyakwete umutwe wa kuti “Impela ya Kupepa kwa Bufi Naipalama!” e yo twashilile abantu baba mu cifulo conse fye ico iofesi lya Zambia lyangalila.

Ubufwayo bwa makampeni ya musango uyu bwa kwafwilisha abantu abafumacumi ukusambilila icine ico Baibolo isambilisha. (Mat. 28:19, 20) Ilyo muleshimikila, mwilalaba ukubika amano ku bantu balesekelela ifyo baumfwa, kabili bweleleniko ku kuyatendeka isambililo lya Baibolo. Twalitemwa sana pa kuba ababomfi banenu muli uyu mulimo wacindama, kabili twamuposha ukuposha kwa Bwina Kristu.

Ni fwe Bamunyinenwe,

Iofesi lya Musambo mu Zambia