Ifya Kulanda Pali Bamagazini

Ulupungu lwa kwa Kalinda Aug. 15

“Abantu abengi balitemwa ukukwate shina lisuma. Bamo balatontonkanya na pa fyo bakalaibukishiwa nga bafwa. Bushe mwalitontonkanyapo pali co? [Lekeni basuke. Lyene belengeni Lukala Milandu 7:1.] Ulu Ulupungu lwa kwa Kalinda lulelanda pa fyo twingapanga ishina lisuma ku bantu na kuli Lesa.”

Loleni! Jul.-Sept.

“Bushe mwalitontonkanyapo ifyo amenshi yacindama ku bumi? [Lekeni basuke.] Uyu magazini alelondolola ifyo amenshi yacindama. Yesu alandile ku mwanakashi waletapa amenshi ukuti kwaba akamfukumfuku ka menshi yapeela ubumi bwa muyayaya. [Landeni pali Yohane 4:14] Nangula amenshi alelandapo ya mampalanya, Umwana wa kwa Lesa alisumine ukuti amenshi ya cine cine yalicindama ku bumi.”

Ulupungu lwa kwa Kalinda Sept. 1

“Abantu abengi batila amacalici yapusanapusana yaba fye ni nshila shitwala kumo kwine. Bambi na bo batila kwaba fye icalici lya cine limo. Bushe mwalitontonkanyapo pali ci? [Lekeni basuke.] Uyu magazini alelanda pa mulumbe wa ku kale uwasuka bwino ico cipusho.” Komaileni pali Mateo 13:24-30.

Loleni! Jul.-Sept.

“Apo twikala na bantu abakatamika sana icuma mu bumi bwabo, bushe Umwina Kristu kuti ataluka ku kutemwe fyuma? [Lekeni basuke.] Icuma caba na maka ya kubeleleka no kulenga bumupashi ukonaika nga fintu ili lembo lilelondolola [Belengeni 1 Timote 6:9, 10, ukukomaila pa kuti icilenga amafya kufwaisha ifyuma no kutemwa ifikwatwa.] Ifyebo na fimbi ifya muli ili lembo nafilandwapo muli uyu magazini.”