Ifya Kulanda Pali Bamagazini

Ulupungu lwa kwa Kalinda Aug. 15

“Pali leelo, abengi balafwaya ukupandwa mano ukufuma ku bantu balekanalekana abalanda pa fya cupo na pa fya kukusha abana. Bushe imwe ni kwi muleti e kwingasangwa ukufunda kwine kwine? [Lekeni basuke.] Uyu magazini wa Ulupungu lwa kwa Kalinda alelanda pa kufunda kwa mano kumo kumo pa lupwa no ku kufunda kwafuma kuli Kalenga wa muntu.” Belengeni Amalumbo 32:8.

Loleni Jul.–Sept.

“Ifwe bonse tulafwaya ukwangalako kabili pali ndakai incende uko abantu bengaya ku kwangala nashifula eyefilya. Bushe mulemona ukuti kwalibako fimo ifyo umuntu afwile ukutontonkanyapo ilyo ashilaya ku ncende imo ya kwangalilako? [Lekeni basuke] Muli uyu magazini muli ifyebo ifisuma pa ficitika ku fiila fya kucinda ifibako ubushiku ne fi fyalenga bamo ukutontonkanyapo sana ilyo bashilaya ku ciila ca musango yo.” Belengeni Esaya 5:11.

Ulupungu lwa kwa Kalinda Sept. 1

“Ifwe bonse tufwaya ukuba aba nsansa. Bushe muletontonkanya ukuti ifyo balandilepo pano cine cine kuti fyalenga umuntu ukuba ne nsansa? [Belengeni Mateo 5:4a, 6a, 10a. Pa numa lekeni basuke.] Uyu magazini alelondolola umwalola ayo mashiwi ayalandilwe mu Lyashi lyalumbuka ilya pa Lupili kabili muli ifyebo na fimbi ifikabilwa pa kuba uwa nsansa.”

Loleni Jul.–Sept.

“Muli cino calo umwafulisha amafya nga nshi tulakabila ubulayo bwashininkishiwa ubwa kuti bushiku bumo uku kucula konse kukafumishiwapo. Bwafya nshi mwingatemwa ukumona bwabalilapo ukufumapo? [Lekeni basuke. Lyene belengeni Ukusokolola 21:3, 4] Muli uyu magazini muli ilyashi pa mwanakashi umo uwasangile ubukose pa mulandu wa kwishiba Amalembo te mulandu no bulwele bwabipisha ubwa mwana wakwe umwanakashi.”