Ukutantika Ukulongana kwa Mulimo
Umulungu wa Kutampa October 14
Ulwimbo 103
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo ili pe bula 8, citeniko ifilangililo fibili pa fya kushalika Ulupungu lwa kwa Kalinda ulwa October 15 na Loleni! wa October-December. Mu cilangililo cimo na cimo, langeni inshila shapusanapusana isha kwasukilamo umuntu uushilefwaya ukulanshanya ilyo atila “nalibeleshanya kale no mulimo wenu.”—Moneni icitabo ca Ukupelulula, ibula 20.
15 min: Ukukabila kwa pa mwenu.
20 min: “Ifyo Bakangalila ba Masambililo ya Citabo Balanga Ukuti Balitemwa Bambi.” Ukulanshanya kwa fipusho ne fyasuko ukutungululwa na kangalila we Sambililo lya Citabo pa Cilonganino. Mu mashiwi ya kwiswila, londololeni mu kwipifya ifyo ukuteyanya kwe sambililo lya citabo kwatendeke. (jv 237 para. 4) Pekanishisheni kabela ukuti bakasabankanya babili nelyo batatu bakalande pa fyo batemwikwa pe Sambililo lya Citabo pa Cilonganino ne fyo bamwenamo.
Ulwimbo 65 ne pepo lya kusondwelela.
Umulungu wa Kutampa October 21
Ulwimbo 206
10 min: Ukubilisha kwa pa mwenu. Lipoti wa ndalama.
35 min: “Ukumwenamo Sana mwi Bungano lya Citungu Ilya ‘Bakabila ba Bufumu Abapimpa.’” Ukulandwa na katungulula we Sambililo lya Ulupungu lwa kwa Kalinda. Pa numa ya kulanda amashiwi ya kwiswila muli miniti umo, lanshanyeni ne bumba lyonse programu we bungano lya citungu, ipusheni ifipusho fili mu cipande. Akanyeni inshita yenu bwino. Kuti mwalandako amashiwi yanono pa kulenga ibumba ukwibukisha ifishinka fikalamba. Nga calinga, ipusheni ibumba ifyo babomfya fintu basambilile ne fyo balemwenamo mu kucita ifyo.
Ulwimbo 194 ne pepo lya kusondwelela.
Umulungu wa Kutampa October 28
Ulwimbo 110
10 min: Ukubilisha kwa pa mwenu. Koselesheni bonse ukupituluka mu fyebo balembele pa kulongana kwaibela ukwa bushiku bumo pa kupekanishisha libela ukulanshanya kukabako pa Kulongana kwa Mulimo umulungu uleisa. Cinkuleniko bakasabankanya ukuleta amalipoti ya mulimo wa mwi bala aya October. Ukubomfya imitubululo ili pe bula 8, ebeni nkashi alangilile ifya kushalika Ulupungu lwa kwa Kalinda ulwa November 1 kabili ebeni munyina alange ifya kushalika Loleni! wa October-December ukubomfya imitubululo ya bubili. Pa numa ya cilangililo cimo na cimo, mu kwipifya komaileni pa fisuma ifyaciba mu cilangililo.
15 min: Ifya kukumanya fya pa mwenu. Ebeni icilonganino ukushimika ifya kukumanya baipakishe ilyo baleya no kubwela kwi bungano lya citungu, ilyo bali pe bungano, nangu ilyo baleshimikila ubunte bwa mu lyashi ku ncito, pa sukulu, pa kushita ifintu, na ku ncende shimbi.
20 min: “Imintapendwa Balelundwako.” Ifipusho ne fyasuko. Pitulukeni mu mitubululo ikalamba iyasambililwe mu Ulupungu lwa kwa Kalinda ulwa August 15, 1993, amabula 12-17.
Ulwimbo 41 ne pepo lya kusondwelela.
Umulungu wa Kutampa November 4
Ulwimbo 66
10 min: Ukubilisha kwa pa mwenu. Mu kwipifya pitulukeni mu mitubululo imo imo mu ca mu kati ica Ubutumikishi Bwesu Ubwa Bufumu ubwa January 2002 pa fya kushalika broshuwa wa Cintu Lesa Afwaya ne citabo ca Ukwishiba. Citeniko icilangililo cimo pa fya kutambika.
13 min: Nshili na Nsoni ku Mbila Nsuma. (Rom. 1:16) Uwacaice aeba wishi ubwafya akwete. Uwacaice tafwaya ukwishibikwa ukuti ni Nte ya kwa Yehova pantu aletiina abanankwe ukumupumya. Wishi atasha uwacaice pa kulanda icishinka pali uyu mulandu. Ashimika ifyo Petro acitile inshita imo ilyo bambi bamupatikishe. (Mat. 26:69-74) Wishi apanda amano ukuti: Tatufwile ukumfwa insoni pa mulandu wa kuba Abena Kristu. (Marko 8:38) Cisuma ukuishibisha ukuti uli Nte pa sukulu. Nga baishiba, bakafundisha abengi bakacindika ifyo wasuminamo kabili tabakalekubika mu fintu ifyo ulemona ukuti tafili bwino. Abacaice bashakwata imibele isuma na bo bene tabakeshe ukukupatikisha ukucita icabipa. Abo usambilila na bo bambi bakomfwa apo pene fye ico ushifwaila ukwishishanya, ukwangalako ifyangalo fya pa sukulu, nelyo ukucitako fimo ifya ku sukulu filya bacita pa numa ya kufuma mu makalasi. Nga ca kutila inshita ilesuminisha, wishi no musepela balanshanya ifishinka pa kamutwe kanono akaleti “Ukubilisha Apabuuta Bucibusa Bobe na Lesa” mu citabo ca Ifipusho Abacaice Bepusha, amabula 315-18. Uyu musepela atasha pa kupanda amano ukusuma.
22 min: Lambeni Kuli Lesa—Kaaneni Kaseebanya. (Yako. 4:7) Ukubomfya ifipusho fipekanishiwe pano, eluda mu kucincimuka atungulula ukulanshanya ne bumba lyonse pali programu wa kulongana kwaibela ukwa bushiku bumo uwaliko umwaka wa mulimo uwapwile. Ebeni icilonganino bashimike ifyo babomfya fintu basambilile. (Kuti mwaebela libela aba kwisalandapo.) Komaileni pali aya malyashi yali muli programu: (1) “Ukunakila Lesa mu Calo ca Busha.” Mulandu nshi tufwile ukuba abalola pa kutaluka ku fiteyo fya mu calo? (2) “Ukulanga Ukunakila kwa Bukapepa nga ba mu Lupwa.” Mulandu nshi cibelele ipamfya mu kuteyanya kwa kwa Yehova ukukosha ukwikatana mu lupwa? Kuti twacita shani ifyo? (3) “Afweni Abasambi Bapya Ukushangila ku Lubali lwa kwa Yehova.” Bushe kuti twayafwa shani abapya ukucimfya amafya yesha icitetekelo cabo? (4) “Umwalola Ukukaana Kaseebanya.” Cinshi cikabilwa pa kukaana bwino Kaseebanya? Bushe kuti twacingililwa shani ku nkwela ya ku mupashi iyalondololwa pa Abena Efese 6:11-18? (w92-CW 5/15 21-3) (5) “Abacaice Abatunguluka Ukukaana Umubifi” na “Abacaice Abanonkelamo mu Kunakila kwa Bukapepa.” Finshi fimo ifyo Satana abomfya ifyo abacaice balingile ukutalukako? Ni shani fintu abacaice bapaalwa ilyo balenakila Yehova? (w90-CW 8/1 13-14, amapara. 15-17) (6) “Ukumwenamo mu Kunakila kwa Bukapepa.” Londololeni ifyo Abena Kristu balanga ukuti balanakila abalashi ba buteko, ababengisha incito, mu lupwa, na mu cilonganino ca Bwina Kristu. Mibele nshi ikatwafwa ukucite co?
Ulwimbo 185 ne pepo lya kusondwelela.