Ukutantika Ukulongana kwa Mulimo

Umulungu wa Kutampa November 11

Ulwimbo 183

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo pe bula 8, citeniko ifilangililo fibili pa fya kushalika Ulupungu lwa kwa Kalinda ulwa November 15 na Loleni! wa October-December. Muli cimo ica ifi filangililo, londololeni ifyo umulimo wesu uwa mwi sonde lyonse wafwilishiwa mu fya ndalama.—Moneni Ulupungu lwa kwa Kalinda pe bula 2 nelyo, Loleni! ibula 5.

15 min: Ukukabila kwa pa mwenu.

20 min: “Afweni Kangalila Wenu Uwe Sambililo lya Citabo pa Cilonganino.”a Ukulandwa na eluda uuli ni kangalila we Sambililo lya Citabo pa Cilonganino. Pa kulanshanya paragrafu 3, sanshenimo ifyalandwa mu citabo ca Isukulu lya Butumikishi, pe bula 70. Tasheni icilonganino pa fya kulungatika ifyo bacita ku kutungilila imitantikile ye sambililo lya citabo, kabili mu cikuuku landeni pa fili fyonse umo mwingawamyako.

Ulwimbo 114 ne pepo lya kusondwelela.

Umulungu wa Kutampa November 18

Ulwimbo 78

10 min: Ukubilisha kwa pa mwenu. Lipoti wa ndalama. Lanshanyeni pa mukululo uleti “Fisuma Ukubelenga!”

10 min: Umukululo wa Fipusho. Ilyashi kuli eluda wafikapo.

25 min: “Mwe Mitwe ya Ndupwa—Tantikeni Bwino Ifya ku Mupashi.” Pa numa ya lyashi lya kwiswila ilipi ukufuma mu maparagrafu 1-3, tungululeni ukulanshanya kwe bumba lyonse ukwa maparagrafu 4-13. Nge nshita ilesuminisha, belengeni amaparagrafu 7, 8, 11, na 12. Ipusheniko no mufyashi umo atemwa babili. Cinshi cayafwa indupwa shabo ukutantika bwino ukwa fya ku mupashi? Kubombesha nshi ici casanshamo? Bushe banonkelamo shani? Pa kusondwelela landeni mu kwipifya pa fili mu paragrafu 14.

Ulwimbo 31 ne pepo lya kusondwelela.

Umulungu wa Kutampa November 25

Ulwimbo 16

10 min: Ukubilisha kwa pa mwenu. Abaupana balebomba mu mulimo wa mwi bala capamo kabili balangilila ifya kubomfya imitubululo ya pe bula 8 ku kutambika magazini wa December 1 na Loleni! wa October-December. Umulume atambika Ulupungu lwa kwa Kalinda, umukashi atambika Loleni! ukubomfya imitubululo ya kulekelesha.

15 min: “Lengeni Icine Pali Yesu Cishibikwe.”b Landeni na pa fyaba mu citabo ca Isukulu lya Butumikishi, ibula 278. Koselesheni bonse ukwisa ne ci citabo ku Kulongana kwa Mulimo uyu mulungu uleisa ilyo kukaba ilyashi lileti “Isukulu Ilitukanshisha ku Kucite Fyacindamisha.”

20 min: “Mu Kutemwa Angweni ku ‘Nshiwa.’” Pa kwiswila landeni pa maminiti yatatu mu paragrafu 1, ifyo Yehova amona inshiwa, na mu citabo ca Palameni Kuli Yehova, ibula 113, paragrafu 14. Lyene lanshanyeni icipande conse ukupitila mu fipusho ne fyasuko. Komaileni pa nshila shingabomba isha kubafwilamo no kubakoselesha. Ilyo mulelanshanya paragrafu 3-4, landeni mu kwipifya pa fyaba muli Loleni! wa October 8, 1995, amabula 8-9.

Ulwimbo 142 ne pepo lya kusondwelela.

Umulungu wa Kutampa December 2

Ulwimbo 213

5 min: Ukubilisha kwa pa mwenu. Cinkuleniko bakasabankanya ukuleta amalipoti yabo aya mulimo wa mwi bala aya November. Mu kwipifya pitulukeni mu milandile ingabomfiwa pa kushalika icitabo ca Umuntu Wakulisha.—Moneni Ubutumikishi Bwesu Ubwa Bufumu ubwa June 1998, ibula 8.

15 min: Abafwilisha Ukupepa kwa Cine—Ku Kale na Pali Nomba. Ilyashi ukushimpwa pa Ulupungu lwa kwa Kalinda ulwa November 1, 2002, amabula 26-30.

25 min: “Isukulu Ilitukanshisha ku Kucite Fyacindamisha.” Ukulanshanya ne bumba lyonse ukutungululwa na kangalila we sukulu. Puutenimo bamunyina ukuti bacincimukile programu mupya uwe sukulu uuli no kutendeka mu January. Landeni pali fimo ifili mu “Ukutantika kwe Sukulu lya Butumikishi Ilya Bulesa mu 2003,” mu ca mu kati ca Ubutumikishi Bwesu Ubwa Bufumu ubwa October. Londololeni ififwaikwa pa kuti umo alembeshe mwi sukulu, nga fintu fyalondololwa mu citabo ca Isukulu lya Butumikishi, pe bula 282, kabili koselesheni bonse abashilalembesha ukuti balembeshe nga nabafikapo.

Ulwimbo 127 ne pepo lya kusondwelela.

[Amafutunoti]