Ukutantika Ukulongana kwa Mulimo
Umulungu wa Kutampa May 12
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ukubomfya imitubululo ili pe bula 8, citeniko ifilangililo fibili pa fya kushalika Ulupungu lwa kwa Kalinda ulwa May 15 na Loleni! wa April-June. Mu filangililo fyonse, bamagazini bonse babili balingile ukulangwa capamo lelo kulanda fye pali umo pali aba. Lumbuleni ne mitantikile ya kupeela ubupe iyo tushalikilamo impapulo kuli mwine ng’anda iya kuitemenwa ukusangwilako.
20 min: Mwe Bafyashi—Afwilisheni Abana Benu Ukulunduluka. Ilyashi lilelanda pa fishinka fikalamba mu citabo ca Isukulu lya Butumikishi, amabula 9-12 na 21-38. Koselesheni abafyashi ukubomfya ifyebo fimo muli ifi pe sambililo lya lupwa. Ubuyo buli bwa kukansha abana babo ukulunduluka mu butumikishi. Landeni pa fishinka fya kulungatika ifingabomfiwa ku kwafwa abacaice pa kuba no kulamuka kukabilwa.
15 min: “Ukuseekeshiwa Imbila Nsuma.”a Pekanishisheni kabela kasabankanya umo nelyo babili ukulondolola mu kwipifya ifyo bacitile pa kuteulula imikalile yabo pa kuti balundeko imibombele yabo iya mu mulimo wa kushimikila.
Ulwimbo 46 ne pepo lya kusondwelela.
Umulungu wa Kutampa May 19
Ulwimbo 62
15 min: Ukubilisha kwa pa mwenu. Lipoti wa ndalama. Lanshanyeni pa mutwe uleti “Ukukuula Amayanda ya Bufumu mu Fyalo Fimo Ifya ku Bulaya.” Londololeni ukuti ukukuula Amayanda ya Bufumu mu fyalo fyabulisha umo umusambo wa mu mwenu ubombela utungililwa ne misangulo itumwa ku musambo ku cipao ca Ndalama sha Ng’anda ya Bufumu.
15 min: Ukukabila kwa pa Mwenu
15 min: “Lumbanyeni Yehova Ukupitila mu Kushimikila Ubunte bwa mu Lyashi.” Ilyashi no kulanshanya ne bumba lyonse. Ilyo mulelanda pali paragrafu 3, ipusheni ibumba ifingasoswa pa kutendeka ukulanshanya pali Baibolo mu mibele yakonkapo: (1) ilyo tuleshita fimo pa mushiika, (2) ilyo tuli muli basi nelyo imyendele imbi iya cintubwingi, (3) ku mwina mupalamano uulebomba mu lubansa lwakwe, (4) pa ncito ku muntu mubomba nankwe, (5) ku sukulu ku muntu musambilila nankwe. Pekanishisheni kabela ica kukumanya ca ku ncende ku mwenu icilelanga ifyo kasabankanya acitile ubunte bwa mu lyashi mwafuma ne fisuma.
Ulwimbo 135 ne pepo lya kusondwelela.
Umulungu wa Kutampa May 26
Ulwimbo 174
10 min: Ukubilisha kwa pa mwenu. Cinkuleniko bonse ukuleta amalipoti ya mu mulimo aya May. Ukubomfya imitubululo pe bula 8, citeniko ifilangililo fibili ukulangilila ifya kushalika Ulupungu lwa kwa Kalinda ulwa June 1 na Loleni! wa April-June. Mu filangililo fyonse, fibili bamagazini bonse babili balingile ukulangwa capamo lelo kulanda fye pali umo pali aba. Pa mpela ya cilangililo cimo, shiileni mwine ng’anda uushipokele magazini trakiti wa kuti Bushe Kuti Mwatemwa Ukwishibilapo na Fimbi Pali Baibolo?
10 min: “Afweni Bambi Ukusanga Inshila Iitwala ku Mweo wa Muyayaya.”b Komaileni pa fyo broshuwa ilanda pa fisumino fyaseeka. Pa numa ya kulanshanya paragrafu 4, citeniko icilangililo capekanishiwa bwino ica mu mulimo wa mwi bala ukulanga ifya kwasuka icipusho ca kuti: “Bushe Lesa alasuminisha imipepele yonse?” (ol amabu. 19-21) Koselesheni bonse ukubombako ubutumikishi ino mpela ya mulungu.
25 min: “Icebo ca kwa Lesa Cishinka.”c Bomfyeni ifipusho fipekanishiwe. Ipusheni ibumba ukulanda ifyo ba-afwiwe ukusambilila icine ilyo bakasabankanya babomfeshe Baibolo ukwasuka ifipusho fyabo. Ilyo mulelanshanya paragrafu 4, lekeni kasabankanya wakampuka alangilile ifya kubomfya Baibolo pa kutandala kwa kubalilapo, ukubomfya imitubululo imo iyaba mu cipande citila “Lungikeni Ukusose Cebo ca kwa Lesa.”—km 12/01 ibu. 1 amapara. 3-4.
Ulwimbo 188 ne pepo lya kusondwelela.
Umulungu wa Kutampa June 2
Ulwimbo 210
10 min: Ukubilisha kwa pa mwenu. Pitulukeni mu mitubululo imo nelyo ibili iyaba mu ca mu kati ica Ubutumikishi Bwesu Ubwa Bufumu ubwa January 2002 pa fya kushalika broshuwa wa Cintu Lesa Afwaya ne citabo ca Ukwishiba.
20 min: Icupo ca Mucinshi—E co Lesa Afwaya. Ilyashi no kulanshanya ne bumba lyonse. Mu fyalo ifingi, caliseeka ku mwaume no mwanakashi ukwikala pamo ukwabula ukuupana ukulingana ne funde. Bamo batila mwaba ubusuma bumo mu kucite fi. Londololeni ifyo Baibolo yalanda, no kukomailapo ukuti icupo catuntuka kuli Lesa. (rs amabu. 127-8) Ukwikala pamo ukwabula ukuupana caba bulalelale. (fy ibu. 17) Ukufwailisha kwalipusana na fintu abengi basumina, pantu kwena kulangilila ukuti abekala pamo pa ntanshi tabalaupana ilingi line ifyupo fyabo filapwa. (g02E 3/8 ibu. 29; g92 9/8 ibu. 28; g91 5/8 ibu. 28) Abena Kristu balacindika Yehova ukupitila mu kuumfwila ifipimo fyakwe. Pa kucite fyo, balainonsha no kuinonsha.—Esa. 48:17, 18.
15 min: Bushe Mulenonkelamo Shani? Ukulanshanya ne bumba lyonse ukutungululwa na kangalila we sukulu. Ukutampa mu January, twatendeke inshila ipya iya kutungulwilamo Isukulu lya Butumikishi Ilya Bulesa. Mu kwipifya pitulukeni muli fimo ifipya mwi sukulu. Landeni pa fisuma ifyafumamo ukufika pali ino nshita. Bushe kuli na bambi abalembesha mwi sukulu? Bushe kwaliba ukuitemenwa sana ukuisanshamo? Bushe abasambi balemwenamo shani mu nshila ipya iya kufundilwamo? Ebeni ibumba ukushimika ifyo banonkelamo pa lwabo ukufika ino nshita na fintu programu mupya ali no kubaafwa ku ntanshi.
Ulwimbo 225 ne pepo lya kusondwelela.
[Amafutunoti]
a Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
b Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.
c Ukulandapo kwenu pa kutendeka kwicila pali miniti umo, kabili konkeshenipo ukulanshanya kwa fipusho ne fyasuko.