Ukutantika Ukulongana Kwa Mulimo

Umulungu wa Kutampa December 12

Ulwimbo 32

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Bomfyeni imitubululo ili pe bula 8 (nga kuti yabomba mu cifulo mubombela) ku kulangilila ifyo mwingashalika Ulupungu lwa kwa Kalinda ulwa December 15 na Loleni! iya October–December. Kuti mwacite cilangililo cimbi nga e cingabomba bwino. Pa numa ya cilangililo cimo na cimo landeni ifyo cinganguka ukulanda na pe lembo ilyo tuleshalika magazini.

15 min: “Isukulu Ilitufunda Ukucita Ifyo Tusambilila.” Ilyashi ukulandwa na kangalila we sukulu. Landeni na pa fyebo fyaba mu ca mu kati ica Ubutumikishi Bwesu Ubwa Bufumu ubwa October 2005.

20 min: “Amasambililo Ayatwala ku Bumi.”a Ebeleni limo umuntu umo nelyo babili abengalanda ifyo bamwenamo mu kusambilila pali Lesa.

Ulwimbo 101 ne pepo lya kusondwelela.

Umulungu wa Kutampa December 19

Ulwimbo 160

5 min: Ukubilisha kwa pa mwenu. Bilisheni ifyo icilonganino cipekenye ukubomba umulimo wa mwi bala pa 25 December na pa 1 January. Cinkuleniko bonse ukwisa na Awake! ya January 2006 (nga nabakwata) ku Kulongana kwa Mulimo umulungu uleisa.

15 min: “Langeni Ukuti Mulasakamana Abantu—Pa Kulanda pa Fibakumine.”b Citeni ne cilangililo icipi pa fyo kasabankanya engalula ico alelandapo ilyo umwine wa ng’anda asosa fimo pa kutila balanshanye pa co mwine ng’anda engatemwa ukwishiba.

25 min: “Bushe Umwana Wenu Kuti Atontonkanya Ngo Mukalamba?”c Ukulandwa na eluda. Peeleni munyinefwe uwaishiba ukubelenga bwino, abelenge amaparagrafu. Lanshanyeni amalembo yonse ayashambwilwe. Pa numa ya kulanshanya paragrafu 2, landeni pa fyo umwaice alandilwepo mu paragrafu 16 apusene no mwaice alandilwepo mu paragrafu 17 na mu mukululo uuli pe bula 16-17 mu Ulupungu lwa kwa Kalinda ulwa June 15, 1991. Ku kupwa kwa lyashi, koselesheni abafyashi ukubelengamo na kabili muli ci cipande ca mu Ulupungu lwa kwa Kalinda kabili bangufyanye ukulanshanya na bana babo no kupituluka mu fyo abana bengacita pa kuti bakonke funde lya mu Baibolo ililanda pa mulopa, kabili babasambilishe ne fyo bengaisosela. Abafyashi bafwile ukushininkisha ukuti umwana onse uwabatishiwa alesenda lyonse kardi ya Advance Medical Directive/Release no kuti cila mwana uushabatishiwa alesenda Identity Card. Lyonse nga kuli umuntu uo bateeka mu cipatala kabili kwaimo mulandu wa kubikwamo umulopa, baeluda bafwile ukulanda na baba muli Komiti wa Kumfwaninamo ne Fipatala pa kuti babafwilishe.

Ulwimbo 56 ne pepo lya kusondwelela.

Umulungu wa Kutampa December 26

Ulwimbo 85

10 min: Ukubilisha kwa pa mwenu. Belengeni lipoti wa ndalama no kutasha uko iofesi lya musambo litumina icilonganino pa misangulo itumwa. Cinkuleniko bakasabankanya ukutuma amalipoti ya mulimo wa mwi bala aya December. Nga ca kutila icilonganino cenu cikaalula inshita ya kulongana umwaka uleisa, bilisheni inshita ya kulongana. Landeni ulupapulo lwa kushalika mu January, kabili landeni uko bengabelenga ifyebo pa fyo bengashalika ulo lupapulo.

15 min: Ukukabila kwa pa mwenu.

20 min: Ifipya Ifili muli Loleni! Ilyashi no kulanshanya ne bumba. (Icilonganino cenu nga tacipokelela Loleni! cila mweshi ninshi kuti mwabomfya icipande cakwata umutwe wa kuti “Ukulanda Sana Ifya mu Baibolo!” icaba mu Ubutumikishi Bwesu Ubwa Bufumu ubwa March 2005. Uulelanda ili lyashi afwile ukulanda pa fipya fili muli Awake! ifilembelwe pe samba. Baeluda bafwile ukutontonkanyapo sana pa fyo Loleni! yafwa Abena Kristu na bantu fye bambi. Kanshi kuti baordako bamagazini bengatemwa ukulapokelela cila mweshi mu ndimi shabako). Landeni pa fipya ifili muli Awake! nga filya babilishe mu Ubutumikishi Bwesu Ubwa Bufumu ubwa March 2005, pe bula 1, amaparagrafu 5-6. Landeni na pa mutwe uleti “To Our Readers” (e kutila “Ku Babelenga Luno Lupapulo”) uuli pa mabula 3-4 muli Awake! ya January 2006. Landeni pali fimo fimo ifilembelwe muli magazini ifileafwa abaleibelenga ukwishiba ifyaba mu Baibolo. (Awake! iya January nailondolola bwino bwino ukubomfya Amalembo pali iyi milandu: Ifyo amafya ayengi pali lelo yafuma ku bafyashi besu aba ntanshi abashali ne cumfwila; Ukuti ifyabipa ifilecitika pali lelo filefikilisha ukusesema; Ifyo Ubufumu bwa kwa Lesa bukapwisha amafya yonse fye ayaponena abantu; Ifyo imisepela ingacita ilyo yaba na mafya; Ukuti Baibolo nga yalanda ifya sayansi, pa fya mikalile ya bantu na pa fyo cikaba ku ntanshi, ilalanda icine kabili ifyo ilanda filabomba.) Ebeni ibumba ukulanda pa fipya ifili pe bula 31. (Apali umutwe uleti: How Would You Answer? [Kuti Mwayasuka Shani?]; ici cipande ca kulenga abalebelenga ukutontonkanya pa fyo babelengele. Kuti cabomfiwa ukulanshanya ifyaba muli Baibolo no lupwa nelyo nge bumba.) Tukatwalilila ukulatambikila pamo bamagazini bonse babili, Ulupungu lwa kwa Kalinda na Loleni! ilyo twatandalila abantu umuku wa kubalilapo. Lelo kwena twakulashalika fye Awake! imo cila mweshi kuli balya tushiila bamagazini lyonse. Ukubomfya imitubululo ili pe bula 8 (nga kuti yabomba mu cifulo mubombela), langilileni ifyo twingashalika Ulupungu lwa kwa Kalinda ulwa January 1 na Awake! iya January. Nga kuli imitubululo imbi iingabomba bwino, kuti mwaibomfya. Mu Ubutumikishi Bwesu Ubwa Bufumu ubwa January mukaba ifyebo na fimbi pa fyo twingashalika Awake! ya mu January ukubomfya ifipande filya ifili mu kati muli Awake! Imitubululo yonse ibili kuti yabomfiwa umweshi fye onse.

Ulwimbo 222 ne pepo lya kusondwelela.

Umulungu wa Kutampa January 2

Ulwimbo 5

5 min: Ukubilisha kwa pa mwenu. Landeni pa mukululo uleti “Amapaalo Yaba mu Kumfwila Lesa.”

15 min: “Mulebomfya Bwino Impapulo Shesu Ishilanda Pali Baibolo.”d Sanshenimo ne fyebo fyaba mu Ubutumikishi Bwesu Ubwa Bufumu ubwa September 2002, pe bula 1.

25 min: “Yehova Alapaala Abantu Bakwe.” Ukulanshanya ne bumba, amaparagrafu kuti yabelengwa nga kuli nshita. Ilyo mulelanshanya paragrafu 8, ipusheni ibumba pa fyo twingatasha pa fikuulwa ifibomfiwa mu kupepa kwa cine. Mwe baba mu filonganino fikalabomfya icikuulwa ca kulonganinamo ukulongana kukalamba ica Lusaka Assembly Hall, moneni imisangulo mutuma iya kusakamaninamo icikuulwa ca kulongana nga nailinga. Nga mulekabila ukwalula umusangulo, moneni ishingalinga ukulasangulwa kabili suminishanyeni ne cilonganino pa mpela ya ili lyashi. Ipepala limo ilyasainwapo, apo mulembele ukusuminishanya lifwile ukutumwa kwi ofesi lya musambo.

Uwimbo 48 ne pepo lya kusondwelela.

[Amafutunoti]