Ukutantika Ukulongana Kwa Mulimo

Umulungu wa Kutampa June 12

Ulwimbo 218

10 min: Ukubilisha kwa pa mwenu. Citeni ifilangililo pa fya kushalika Ulupungu lwa kwa Kalinda ulwa June 15 na Loleni! iya April-June ukubomfya imitubululo ili pe bula 4 nelyo fimbi ifingabomba bwino mu cifulo cenu ico mushimikilamo. Mu cilangililo cimo, langilileni ifya kushalika magazini ilyo umuntu ashili mu mulimo wa magazini, alecita fye fimbi.

20 min: “Umulimo Wesu—Wa Luse.”a Inshita nga ilesuminisha, ebeni aba mwi bumba ukulanda pa malembo yabikilwemo.

15 min: Ukucetekela “Umusha wa Cishinka Kabili Uwashilimuka.” Ilyashi no kulanshanya na bali mwi bumba ukubomfya icipandwa 3 icaba mu citabo ca Abaiteyanya Ukucita Ukufwaya kwa kwa Yehova.

Ulwimbo 47 ne pepo lya kusondwelela.

Umulungu wa Kutampa June 19

Ulwimbo 21

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.

20 min: Icebo Ifyo Cawama mu Nshita Iiyene Iya Ciko! Ilyashi no kulanshanya na bali mwi bumba ifyebo ifili mu Ulupungu lwa kwa Kalinda ulwa January 1, 2006, amabula 16-19. Mu lyashi lya kwiswila, landeni pa fishinka fine ifinganonsha bambi, ifyalembwa pa kamutwe katila “Ubusuma Bwaba mu Kutasha Bambi.” Lyena ebeni abali mwi bumba ukwasuka ifipusho fyakonkapo: Nani uo tufwile ukutasha sana? Mulandu nshi tulingile ukutashisha bakapepa banensu? Mashuko nshi ayo twakwata aya kutasha bambi mu cilonganino? Mulandu nshi cawamina ukutasha aba mu ng’anda yesu, kabili bushe kuti twacita shani? Bushe mwakoseleshiwa shani ku kutashiwa uko mwatashiwe?b

15 min: “Langeni Ukuti Mulasakamana Abantu bambi—Pa Kubatasha.” Sanshenimo ne cilangililo icipi umuli kasabankanya uulekutika ilyo umwine wa ng’anda alelanda, amutasha mu kufumaluka, e lyo atendeka ukulanshanya no mwine wa ng’anda pa fyo amutasha no kumubelengela ilembo.

Ulwimbo 96 ne pepo lya kusondwelela.

Umulungu wa Kutampa June 26

Ulwimbo 63

15 min: Ukubilisha kwa pa mwenu. Belengeni lipoti wa ndalama ne fyebo fya kutasha icilonganino ukufuma ku musambo pa bupe icilonganino catumine. Citeni icilangililo pa fya kushalika Ulupungu lwa kwa Kalinda ulwa July 1 na Loleni! ya April- June, bomfyeni imitubululo ili pe bula 4 nelyo fimbi ifingabomba bwino mu cifulo cenu ico mushimikilamo. Pa mpela ya cilangililo cimo cimo, kasabankanya aipusha icipusho ico umuntu engafwaisha ukuumfwa icasuko ilyo akabwelelako ukubomfya icitabo ca Baibolo Isambilisha.

15 min: Ukulongana mu Cilonganino Icibomfya Ululimi lwa ku Calo Cimbi. Ilyashi ilifumine mu Ulupungu lwa kwa Kalinda ulwa March 15, 2006, amabula 17-20. Sanshenimo ne fyebo fyaba mu citabo ca Abaiteyanya, ibula 112, paragrafu 2. Landeni ifyo ifyebo fingabomfiwa ku mwenu. Landeni pa cilecitwa ku kwafwilisha ababomfya ululimi lwa fishibilo ulwa bacibulu mu cifulo cenu. (km 2/01 p. 6—Ukusakamana Ukukabila kwa ku Mupashi Ukwa Bankomamatwi; km 6/03 ibula 7—Ukubilisha) Kuti mwasanshamo no kwipusha kumo nelyo kubili, ukwa balefwaya ukulundulula ubutumikishi bwabo ukupitila mu kusambilila ululimi lumbi.

15 min: Ukubila Imbila Nsuma mu July. Bushe malyashi nshi abantu batemwa mu cifulo cenu ica kushimikilamo? Ipusheniko kasabankanya umo nelyo babili ababomfya bwino icitabo citila Baibolo Isambilisha e lyo no kutendekelamo isambililo lya Baibolo. Lyena citeni icilangililo umuli ukushimikila ku ng’anda ne ng’anda, kuti mwabomfya imitendekele iibomba bwino mu cifulo cenu ica kushimikilamo.—Moneni Ubutumikishi Bwesu Ubwa Bufumu ubwa January 2005, ibu. 8, para. 5.

Ulwimbo 208 ne pepo lya kusondwelela.

Umulungu wa Kutampa July 3

Ulwimbo 111

10 min: Ukubilisha kwa pa mwenu. Cinkuleniko bakasabankanya ukusha lipoti wa mulimo wa mwi bala uwa June nga ca kuti tabalati bacite lipoti.

15 min: Ukukabila kwa pa mwenu.

20 min: “Ifyo Wingafikilisha Ifyo Wapanga Ukucita lwa ku Mupashi.”c Ebeni abacaice mu cilonganino ukulanda pa fyo bafwaya ukucita ne fyo balecita pa kuti bakafikilishe ifyo bafwaya ukucita. Kuti mwapekanishisha libela umo nelyo babili aba kulandapo.

Ulwimbo 30 ne pepo lya kusondwelela.

[Amafutunoti]