Ukutantika Ukulongana Kwa Mulimo

Umulungu wa Kutampa February 11

Ulwimbo 168

10 min: Ifya kubilisha fya pa mwenu. Konkeni imitubululo ili pe bula 8 nangu imitubululo fye imbi iingabomba bwino mu cifulo cenu ico mubombelamo, mucite icilangililo pa fyo mwingashiila abantu Ulupungu lwa kwa Kalinda ulwa February 1 na Loleni! ya January—March.

15 min: Bushe Kuti Mwabombela Ukuli Ukukabila Kukalamba? Ilyashi no kulanshanya na bali mwi bumba bonse ukushimpwa pa Ulupungu lwa kwa Kalinda ulwa July 15, 2003, ibula 20. Landeni na pa fyebo fya mu citabo ca kuti Abaiteyanya, ibula 111, paragrafu 1, ukushinta kwi bula 112, paragrafu 1. Mu kwipifya ipusheni abali bonse abakuukilapo ukwaba ukukabila kukalamba. Mafya nshi ayaliko, kabili bayacimfishe shani? Mapaalo nshi basangilemo? Nga kwashalako inshita, kuti mwapituluka muli kalata ya January 4, 2008, iyatuminwe ku filonganino fyonse.

20 min: Afweni Abapya Ukulunduluka nga Abatumikishi. Pa numa fye ya mashiwi ya kwiswila ayashilingile ukufika kuli mineti imo, lanshanyeni ilyashi lya fipusho ne fyasuko mu Ulupungu lwa kwa Kalinda ulwa December 1, 2005, ibula 31, ipusheni amepusho ayali muli magazini. Pa numa ya kulanshanya paragrafu 18, citeni icilangililo icilelangilila ukuti umwine wa ng’anda alandapo fimo ifilecilikila kasabankanya umupya uulebomba na kasabankanya uwabelesha. Kasabankanya umupya tafikilepo sana mu kwasuka kwakwe, ica kuti umwine wa ng’anda abacilima baleka no kulanshanya. Ilyo bafuma pali ilya ng’anda, kasabankanya uwabelesha atasha umupya pa fyo acesha ukwasuka, e lyo amulanga ifyo engabomfya icitabo ca Ukupelulula ku ntanshi pa kwasuka abacilima ukulanshanya.

Ulwimbo 50

Umulungu wa Kutampa February 18

Ulwimbo 17

10 min: Ifya kubilisha fya pa mwenu. Salenimo Ifya Kubilisha mu Ubutumikishi Bwesu Ubwa Bufumu.

10 min: Ukukabila kwa pa mwenu.

25 min: “Ubushininkisho bwa Citetekelo Cakosa!”a Ukulandwa na kangalila wa mulimo. Pa kusondwelela landeni pa fintu ifisuma ifyo icilonganino cabombele uyu mwaka wa mulimo uwapwile.

Ulwimbo 194

Umulungu wa Kutampa February 25

Ulwimbo 81

10 min: Ifya kubilisha fya pa mwenu. Cinkuleniko bakasabankanya ukutuma lipoti wabo uwa mulimo wa mwi bala uwa February. Belengeni lipoti wa ndalama na mashiwi ya kutasha pa misangulo iyo mwatumine ku ofeshi. Citeni icilangililo pa fya kubomfya akapepala ka kwitilapo abantu ku Cibukisho icilelangilila ifya kwita uwa mu lupwa nelyo umwina mupalamano.

20 min: “Ukulatasha Ilyo Tuleibukisha Ilambo lya Cilubula.”b Inshita nga tailapwa, ebeni ibumba ukulanda pa malembo ayali mu cipande.

15 min: Pekanyeni Ukushalika Bamagazini ba Ndakai. Ukulanshanya na bali mwi bumba bonse. Pa numa ya kulandako panono pa fili mu Ulupungu lwa kwa Kalinda ulwa March 1 na Loleni! iya January—March, ipusheni ibumba balande pa fipande ifyo abantu bengatemwa sana mu cifulo ca kubombelamo no mulandu bengatemenwa ifyo fipande. Ebeni ibumba ukuti balande pa fishinka fya kulungatika mu fipande ifyo balepekanya ukubomfya. Cipusho nshi bengepusha pa kutampa ukulanshanya? Lilembo nshi mu cipande ilyo bengabelenga? Konkeni iyi mitubululo pa kucita icilangililo icilelangilila ifya kushalika Ulupungu lwa kwa Kalinda ulwa March 1 na Loleni! ya January–March.

Ulwimbo 119

Umulungu wa Kutampa March 3

Ulwimbo 223

10 min: Ifya kubilisha fya pa mwenu. Landeni pa fishinka fikalamba ifili mu mukululo uuleti “Ifya Kwibukisha Ilyo Mulepekanya Icibukisho.”

20 min: Bushe te Kuti Mutampe Ukutungulula Isambililo lya Baibolo mu March? Lanshanyeni ne bumba lyonse. Mu mweshi wa March, tukalashalika icitabo ca kuti Ico Baibolo Isambilisha pa kuti tukatampe amasambililo ya Baibolo. Landeni pa mbali shapulamo isha ici citabo. Lanshanyeni ifyo cingashalikwa nga mwabwelela ku muntu uwalefwaisha nga nshi ukusambilila ilyo mwamushiliile akapepala ka kwitilapo abantu ku Cibukisho, nangu ilyo mwabwelela uko mwashalike magazini, nangu lintu muleshalika ici citabo ku ng’anda ne ng’anda ubushiku bwa March 22 nga bwapita (Moneni km 8/07 ibu. 3; km 3/06 ibu. 1, para. 3; km 1/06 amabu. 3-6.) Citeni icilangililo cimo nelyo fibili pa fya kutampa isambililo.

15 min: Bomfyeni Baibolo pa Kwasuka Amepusho. Ilyashi no Kulanshanya ne bumba lyonse mu citabo ca kuti Nonkelenimo, amabula 143-4. Citeni ne cilangililo icipi icilelangilila kasabankanya uo baipusha icipusho ico abantu bepusha sana mu cifulo cenu ica kubombelamo ne fyo abomfya Baibolo ku kwasuka ico cipusho.

Ulwimbo 145

[Amafutunoti]