Ifya Kulanda pa Kushalika Magazini

Ulupungu lwa kwa Kalinda June 1

“Abantu abengi ilyo tabalapingulapo pa fintu fimo balabala baipusha abantu bamo ababuka ukubomfya intanda. Bushe muletontonkanya ukuti intanda kuti shalenga mwaishiba ifyo ubumi bwenu bukaba? [Lekeni basuke.] Kwena na Baibolo yalilandapo pa bantu abalebuka ukubomfya intanda [Belengeni 2 Ishamfumu 23:5.] Ici cipande cilelanda pa fyo Baibolo yalandapo pa fintu fya musango yu.” Balangeni ilyashi ilitendekele pe bula 18.

Loleni! April–June

“Bushe mumona ukuti ifyo balanda pali ili lembo filingile ukututiinya? [Belengeni 2 Timote 4:1. Lyena lekeni basuke.] Ici cipande ciletweba ‘aba mweo na bafwa’ abo balandapo pali ili ilembo. Kabili ciletulanga ne fyo Ubushiku bwa Bupingushi bukalenga ifyo Lesa alefwaya abantu ne sonde ukuba pa kutendeka ukufikilishiwa.”

Ulupungu lwa kwa Kalinda July 1

“Abantu abengi pa kulanda pali Lesa wa Maka yonse batila fye ni Lesa. Nangu cibe ifyo, bushe mwalishiba ukuti Baibolo ilatweba ukuti Lesa alikwata ishina? [Lekeni basuke. Lyena belengeni Esaya 42:8a.] Iyi magazini ilelanda umulandu abantu bafumishamo ishina lya kwa Lesa mu maBaibolo yamo kabili iyi yine magazini iletweba ne fyo cipilibula ukwishiba ishina lya kwa Lesa.”

Loleni! April–June

Nga ca kutila mulelanda ku mwaice napamo kuti mwatila: “Mu mayanda ayengi abana abanono cila nshita balakansana na bafyashi babo. Bushe iwe umona ukuti finshi filenga? [Lekeni asuke. Lyena Belengeni Amapinda 15:28.] Ici cipande nacikwata ifyebo fisuma ifingafwa aba mu lupwa ukulalanshanya bwino ukwabula ukukansana na lintu bafilwa ukusuminishanya pali fimo.”