Ifya Kulanda pa Kushalika Magazini

Ulupungu lwa kwa Kalinda January 1

Belengeni Ukutendeka 2:16, 17. Lyena landeni ukuti: “Abantu bamo batila Lesa alishibe ukutula fye na kale ukutila Adamu kuti abembuka. Bambi nabo batila nga ca kuti Lesa alishibe ninshi ali no bumbimunda apo alishibe icali no kucitika. Nga imwe mutontonkanyapo shani? [Lekeni basuke.] Ici cipande icitendekele pe bula 13 cilelondolola ifyo Lesa abomfya amaka akwata aya kwishiba ifikacitika ku ntanshi.”

Loleni! January–March

“Tulomfwa uko abantu ilingi line babapondokela ku bena mwabo, kuli bapolitishani, na bantu bambi. Bushe na imwe mulemona ukuti shino nshiku cileafya ukusanga abantu abo mwingacetekela? [Lekeni basuke.] Abengi balesumina ukuti ili ilembo lilefikilishiwa shino nshiku. [Belengeni 2 Timote 3:1-5.] Iyi magazini ilelondolola uko mwingasanga abantu abo mwingacetekela.”

Ulupungu lwa kwa Kalinda February 1

“Ukulekana mu fyupo nakuseeka sana. Bushe mulemona ukuti cinshi maka maka cilelenga? [Lekeni basuke.] Moneni ukupanda amano kusuma uko abaupana abengi basanga ukuti kulabafwa. [Belengeni 1 Abena Korinti 10:24.] Iyi magazini ilelanda pa fintu 6 ifyo abalume na bakashi bailishanyapo ne fyo ukukonka amafunde yaba muli Baibolo kwingafwa abaupana.”

Loleni! January–March

Belengeni 2 Timote 3:16. Lyena landeni ati: “Bushe mulesumina ukutila fyonse ifyaba muli Baibolo kuti twaficetekela? [Lekeni basuke.] Ici cipande cilelondolola nampo nga ifyo bushula mu mushili pamo ne lyashi lya fyacitike kale, fyonse filomfwana ne fyo Baibolo ilanda pa calo ca Egypt.” Balangeni icipande icitendekele pe bula 15.