Ukulongana kwa mu Mulungu wa October 1
UMULUNGU WA OCTOBER 1
Ulwimbo 103 ne Pepo
□ Isambililo lya Baibolo Ilya pa Cilonganino:
bt icipa. 27 amapara. 10-18 (30 min.)
□ Isukulu lya Butumikishi Ilya Bulesa:
Ukubelenga Baibolo: Daniele 4-6 (10 min.)
Na. 1: Daniele 4:18-28 (4 min. nelyo ukucepako)
Na. 2: Umulandu Abena Kristu ba Cine Bakanina Ukucita Ifya Mipashi Mipashi (5 min.)
Na. 3: Ni Shani Fintu Lesa Afishishe Amafunde ku Babomfi Bakwe aba ku Kale?—rs ibu. 375 para. 3-4 (5 min.)
□ Ukulongana kwa Mulimo:
5 min: Tendekeni Amasambililo ya Baibolo pa Cibelushi ca Kubalilapo. Ukubomfya ifyebo fya kutwafwa ukutendeka amasambililo ya Baibolo ifili pali lino ibula, citeni icilangililo pa fyo mwingatendeka isambililo pa Cibelushi ca kubalilapo mu October. Koselesheni bonse ukubombako.
15 min: Twabombele Shani Umwaka Wapwile? Uulingile ukulanda ili lyashi ni kangalila wa mulimo. Landeni ifyo icilonganino cabombele mu mwaka wa mulimo uwapwile, mulande sana pa fisuma ifyo icilonganino cacitile, kabili mubatashe. Ipusheni kasabankanya umo nelyo babili abatemenwe sana ifyabacitikile ilyo baleshimikila. Landeni pali fimo ifyo icilonganino cifwile ukubombelapo mu mwaka uleisa kabili bebeni ifyo bafwile ukucita pa kutila bakawamyeko.
10 min: Ifya Kucita pa Kushalika Magazini mu October. Ukulanshanya. Landeni ico abantu bengatemenwa iyi magazini mu cifulo mushimikila mu masekondi 30 ukufika ku 60. Lyena, bomfyeni ifipande ifilelanda pa mutwe uukalamba uwa Ulupungu lwa kwa Kalinda, ipusheni abali mwi bumba balande ifipusho ifyo abo balelanda nabo bengatemwa, kabili bepusheni ilembo bengatemwa ukubelenga. Citeni cimo cine na ku fipande ifilelanda pa mutwe uukalamba uwa Loleni! kabili nga kwashala inshita, landeni na pa cipande na cimbi muli magazini ili yonse pali aya yabili. Citeni icilangililo pa fyo twingashalika magazini imo na imo.
Ulwimbo 85 ne Pepo