Vidio ya Young People Ask—What Will I Do With My Life? (Ulubali 2)
Saleni apo balembele ati Interviews, e lyo musale icipande cileti Sections ica vidio ya Young People Ask—What Will I Do With My Life? Tambeni ifi fipande fitatu, e lyo mwasuke ifipusho fili mu paragrafu 2. Lyena tinikeni apo balembele ati main menu e lyo musale icipande cileti Supplementary Material pa numa yakutamba fyonse ifili muli ici cipande, asukeni ifipusho ifili mu paragrafu 3.
Icipande Cileti Sections: Amepusho ku Kamutwe Kaleti, Dedication to Vain Pursuits or to God: (1) Finshi ifyo abacaice babapatikisha ukucita mu bumi? (2) Bushe ilembo lya 1 Yohane 2:17 kuti lya-afwa shani abacaice ukwishiba apo bafwile ukufika na masambililo yabo? (3) Mulandu nshi tushilingile ukutiinina ukubatishiwa? (4) Finshi tufwile ukucita pa kuti tubatishiwe? Amepusho ku kamutwe kaleti, Learning to Enjoy Your Ministry: (5) Cinshi abacaice bamo bashatemenwa ukuya mu kushimikila? (6) Finshi fingatwafwa ukutemwa ukushimikila? (7) Finshi bamo batiina sana ukucila na pa kulanda ku bantu abo bashaishiba, kabili mulandu nshi? (8) Finshi fingatwafwa ukukanaba no mwenso ilyo tuleshimikila? (9) Mulandu nshi ukwishiba ifya kucita pa kuti muleshimikila bwino nako kwawamina? Amepusho ku kamutwe kaleti, An Open Door to Service: (10) Bushe bupainiya bulenga shani umuntu ukukosha bucibusa na Lesa? (Fil. 3:16) (11) Cinshi bamo batiinina ukutendeka bupainiya? (12) Fyebo nshi ifya mu Baibolo ifingatwafwa pa kuti tatulesakamana sana pa mikalile? (13) Finshi bamo bacita pa kuti baleisakamana ilyo balebomba bupainiya? (14) Finshi mwingacita nga kuli fimo ifilelenga cayafya ukubombako bupainiya?
Icipande Cileti, Supplementary material: Amepusho ku kamutwe kaleti, The Value of Personal Study: (15) Mulandu nshi cacindamina ukuti tulekwata inshita ya kuisambilisha Baibolo? Akamutwe kaleti, Alternative Witnessing (ukushimikila pa cintubwingi): (16) Bushe ukushimikila mu nshila shalekanalekana kuti kwalenga shani twakwata sana insansa? Akamutwe kaleti, Bethel Service: (17) Busuma nshi bwaba mu kubombela pa Bethel? Akamutwe kaleti Ministerial Training School: (18) Bushe abasangwako kuli ili sukulu (ilyo nomba beta ati Isukulu lya Bamunyinefwe Abashimbe) banonkelamo shani? Akamutwe kaleti, Gilead Missionary Training: (19) Finshi ba Peter na ba Fiona bacitile pa kuti baye kwi sukulu lya Gileadi, kabili banonkelemo shani?