Muleba Abapimpa Ilyo Muleshimikila Icine Pali Yesu

Nga natwishiba bwino ifya kushimikilako bambi icine pali Yesu tulaba abapimpa sana. Yesu e libwe lya pa koona ilya mu mufula apakulwa icitetekelo ca cine. (Efes. 2:20) Ukwabula ena te kuti tukwate isubilo lya kwisapokelela umweo wa muyayaya. (Imil. 4:12) Kanshi nacicindama ukuti abantu bonse beshibe bwino umulimo Yesu akwata mu kufikilisha ukufwaya bwa kwa Lesa. Lelo ifyo abengi babasambilisha pali Yesu fya bufi. Ne ci cikalenga aba abantu ukukwata ishuko lya kupokelela amapaalo ayo Icebo ca kwa Lesa calaya bonse abatetekela Yesu. Ukutemwa twatemwa icine kukalenga tukafwe abantu ababa ne mitima iisuma ukwishiba icine pali Yesu, pa kwampana kwaba pali Yesu na Lesa, e lyo na pa mulimo akwata mu kufikilisha ukufwaya kwa kwa Lesa. Bushe mwalaba abapimpa ukusambilisha abantu icine pali Yesu muli ino nshita ya Cibukisho?