Ishuko Twakwata Ilya Kukuula no Kusunga Bwino Ififulo apo Tupepela

Abena Israele balingile ukubombesha no kusangwilako ifintu ifingi pa kuti bakuule itempele. Na lyo line, abena Israele bali abacincila ilyo balebomba uyu mulimo. (1 Imila. 29:2-9; 2 Imila. 6:7, 8) Ilyo Abena Israele bapwishishe ukukuula itempele, ifyo balelisunga e fyalelanga ifyo bacindike ifya kwa Lesa. (2 Isha. 22:3-6; 2 Imila. 28:24; 29:3) Muno nshiku, Abena Kristu balapoosa inshita iitali kabili balabombesha pa kukuula, ukuwamya, no kusunga bwino Amayanda ya Bufumu ne Fikuulwa fya Kulonganinapo Ukulongana Kukalamba. Kanshi ukubombela pamo na Yehova lishuko ilikalamba nga nshi kabili mulimo wa mushilo.—Amalu. 127:1; Ukus. 7:15.

KUTI TWABOMBELA PAMO NGA . . .

• 

  Tulewamyako mu Ng’anda ya Bufumu pa numa ya kulongana. Nga tamukwete amaka ya kuwamya, kuti mwawamyako fye apo mwikele.

• 

  Tulewamya Ing’anda ya Bufumu no kuisunga bwino lyonse. Nga ca kuti abalebomba nabafuula, umulimo ulanguka kabili ulawama.—lv 92-93 para. 18.

• 

  Tulesangwilako indalama. Nangu fye “tundalama tubili utwacepesha,” Yehova alatasha nga ca kuti twapeela no mutima onse.—Marko 12:41-44.

• 

  Tuleipeelesha ukukuulako no kuwamyako ifikuulwa umo tulonganina nga ca kutila kuti mwabombako. Te kutila mufwile fye ukwishiba ifya makuule pa kuti mubombeko, lelo nangu fye tamwaishiba kuti mwabombako.