Balebila imbila nsuma mupepi na ku Monrovia, mu Liberia

Ifyo Mwingalanda

●○○ UMUKU WA KUBALILAPO

Icipusho: Bushe ifyo Baibolo ilanda filatwafwa muno nshiku?

Ilembo: 2 Tim. 3:16

Ico mukalanshanyapo: Bukombe nshi bwaba mu Baibolo?

○●○ ICIPEMPU CA KUBALILAPO

Icipusho: Bukombe nshi bwaba mu Baibolo?

Ilembo: Mat. 6:10

Ico mukalanshanyapo: Finshi Ubufumu bwa kwa Lesa bukacita?

○○● ICIPEMPU CA BUBILI

Icipusho: Finshi Ubufumu bwa kwa Lesa bukacita?

Ilembo: Dan. 2:44

Ico mukalanshanyapo: Bushe ifintu fikaba shani pe sonde Ubufumu bwa kwa Lesa nga bwatendeka ukuteka?

Ukutendekela uno mweshi mu kulongana kwa mu kati ka mulungu, ifiba pa cipande citila Ifyo Mwingalanda nafyaluka. Pa Ifyo Mwingalanda nomba pakulaba icipusho, ilembo e lyo na ico mukalanshanyapo pa kuti mwakwata apa kutendekela ukulanshanya ilyo mwabwelelako. Cila mulungu twakulatamba fye vidio imo iikalalangilila ifyo mwingalanda pa kubila imbila nsuma. Cila kasabankanya akulasalapo umwine ulupapulo lwa kubomfya pa mpapulo tubomfya pa kusambilisha abantu Baibolo e lyo na ilyo engapeela umuntu nampo nga ni pa muku wa kubalilapo nelyo pa cipempu ca kubwelelamo. Na kabili, akatabo ka kubomfya pa kulongana kakulakwata ifipusho fyakutwafwa ukuyacita icipempu ca kubwelelamo. Ukucita ifi kukalatwafwa ukubika amano ku kusambilisha ‘bonse ababa no mutima uusuma uwa kufwaya umweo wa muyayaya.’—Imil. 13:48.

Amalyashi ya Basambi: Abasambi balingile ukulangilila ifyo mwingalanda, kano fye nga nabalangilila ifya kucita fimbi.