Muletaluka ku Mafya Ayaba mu Kubomfya Intaneti

ICO CACINDAMINA: Nga filya fine ifibombelo ifingi fyaba, ukulanshanya na bantu ukubomfya Intaneti kuti kwatwafwa nelyo kuti kwalenga twaba mu mafya. Abena Kristu bamo balasalapo ukubomfya Intaneti ukulanshanya na balupwa ne fibusa lelo bamo basalapo ukukanaibomfya. Na lyo line, Satana Kaseebanya afwaya twilabomfya bwino Intaneti pa kuti tuyonawile ishina e lyo na bucibusa bwesu na Yehova. Nga filya fine Yesu acitile, kuti twabomfya amashinte ya mafunde ayaba mu Cebo ca kwa Lesa pa kwishiba amafya yabamo e lyo no kusengauka ayo amafya.—Luka 4:4, 8, 12.

AMAFYA MUFWILE UKUTALUKAKO:

• Ukubomfya sana Intaneti. Ukupoosa inshita iikalamba pa Intaneti nelyo ukutumishanya ifyebo pa Intaneti kuti kwalenga twaonaula inshita yacindama iya kucita ifya kwa Lesa

  Amashinte ya mafunde: Efes. 5:15, 16; Fil. 1:10

• Ukumona ifyabipa. Ukutamba ifikope ifyabipa kuti kwalenga twapama mu kutamba ifye shiku nelyo ukucita ubulalelale. Kabili ukubelenga ifyebo filemba abasangu pa Intaneti kuti kwalenga icitetekelo cesu canaka

  Amashinte ya mafunde: Mat. 5:28; Fil. 4:8

• Ukulembapo nelyo ukubikapo ifikope ifishili bwino. Apo umutima wa bucenjeshi, umuntu kuti afwaya ukulemba nelyo ukubika ifikope ifishili bwino pa Intaneti. Ukucita ifi kuti kwalenga umuntu ayonawila ishina nelyo icitetekelo cakwe canaka mu fya kwa Lesa

  Amashinte ya mafunde: Rom. 14:13; Efes. 4:29

TAMBENI VIDIO ITILA MULEBOMFYA BWINO INTANETI ILYO MULELANSHANYA NA BANTU, KABILI LANSHANYENI IFYO MWINGACITA PA KUTALUKA KU FYO BALANGILILE PE SAMBA: