Ni Bani Mulanshanya Nabo pa Intaneti?

Cibusa muntu ‘uo twatemwa kabili uo twacindika.’ Ku ca kumwenako, Yonatani na Davidi baishileba ifibusa sana ilyo Davidi aipeye Galyati. (1 Sam. 18:1) Cila muntu alicitilepo ifyalengele ukuti batemwane. Kanshi pa kuti tube ifibusa fya cine no muntu tulingile ukumwishiba bwino. Nomba pa kuti twishibe bwino umuntu palapita inshita kabili tulingile ukubombesha. Lelo pa Intaneti pena abantu balapanga bwangu ifibusa pantu batinika fye pa o balefwaya ukuti abe cibusa wabo. Cilanguka umuntu pa Intaneti ukufisa ifyo aba, pa mulandu wa kuti balapangila libela ifyo balalanda nelyo ifyo balalemba kabili ifyo balemba ne fyo balanda kuti fyayalula ifyo abantu babamona. Kanshi mulingile ukutontonkanyapo sana pa bantu mulingile ukusumina ukuti babe ifibusa fyenu pa Intaneti. Nga ca kuti uo mushaishiba amutumina meseji pa Intaneti ukuti mube ifibusa, mwilaumfwa umwenso wa kukaana pa mulandu fye wa kutiina ukuti alaumfwa ububi. Bamo nga batontonkanya pa fyabipa ifyaba mu kuba pa webusaiti apo abantu balanshanishishanyapo na banabo basalapo fye ukukanabapo. Na lyo line nga mwasalapo ukulabomfya webusaiti finshi mufwile ukulaibukisha?

TAMBENI VIDIO ITILA MULECENJELA ILYO MULELANSHANYA NA BANENU PA INTANETI, LYENA ASUKENI AYA AMEPUSHO:

• 

  Finshi mulingile ukutontonkanyapo ilyo mushilalemba ifyebo pa Intaneti nelyo ilyo mushilabikapo ifikope?

• 

  Cinshi mulingile ukubela abacenjela ilyo mulesala abengaba ifibusa fyenu pa Intaneti?

• 

  Mulandu nshi mulingile ukubikila inshita mufwile ukupoosa pa Intaneti?—Efes. 5:15, 16