Ifyebo Tubika pa Intaneti—Mulefibomfya Ilyo Muleisambilisha Baibolo na pa Mapepo ya Lupwa
Belengeni Magazini Iipya pa Intaneti: Pa Intaneti balabikapo bwangu sana Ulupungu lwa kwa Kalinda na Loleni! ninshi kucili imilungu iingi pa kuti tupokelele magazini mu filonganino. Kuti mwakutika na kuli magazini iyo bakopa nga mwatinika palya balemba ati, “Impapulo/Ama magazini.”
Ifyebo Fimo Fyakulaba fye pa Intaneti: Mulebelenga ifyebo fya pa Intaneti pantu ifipande fimo ifyaleba muli magazini nomba fyakulaba fye pa Intaneti pa jw.org. Ifi fipande ni filya ifilanda pa baice pamo nga “Icipande ca Baice,” “Amasambililo ya mu Baibolo,” “Lanshanyeni no Lupwa,” na “Abacaice Bepusha Ukuti.” Kuti mwafwayako ifi fyebo fimo pa Intaneti ilyo muleisambilisha Baibolo nelyo ilyo mulesambilila Baibolo nga ulupwa.—Tinikeni palya balemba ati, “Amasambilisho ya mu Baibolo/Abana” nelyo “Amasambilisho ya mu Baibolo/Imisepela.”
Palaba Ifyebo Ifipya: Pa adresi yesu kuti mwabelengapo amalipoti ya kukoselesha ne filecitikila Inte sha kwa Yehova, kabili kuti mwatambako no tumavidio utwipi utulelanga ifyo umulimo wesu ulelunduluka mwi sonde lyonse. Nga twaishiba utuyofi utulecitikila ababomfi ba kwa Lesa ne fyo balebapakasa, kuti catwafwa ukupepelako bamunyinefwe mu kulungatika. (Yako. 5:16)—Kuti mwasanga ifi fyebo, palya balemba ati, “News” mu ciNgeleshi.
Sapikeni Ifyebo pa Laibrare ya pa Intaneti: Nga Laibrare ya pa Inteneti e ko yaba mu lulimi lwenu, kuti mwabomfya kompyuta nelyo foni iyakwata Intaneti pa kuti mubelenge ilembo lya bushiku pa Intaneti e lyo kuti mwasapika ne fyebo mu mpapulo shesu isha nomba line.—Pa kusanga iyi laibrare tinikeni palya balemba ati, “Impapulo/Laibrare ya pa Intaneti,” nelyo kuti mwalemba www.wol.jw.org palya apo mufwile ukulemba adresi.
[Icikope pe bula 4]
(Nga mulefwaya ukumona Icikope, moneni muli magazini)
Esheniko
1 Tinikeni pa cikope nelyo palya balemba ati, “Kopololeni”. Nga mwatinika, palaisa ifikope. Pulinteni ifikope no kupeela umwana pa kuti asuke ifipusho ifilipo no kusambililapo pali ifi fikope.
2 Nga mulefwaya ukutamba vidio, tinikeni palya balemba ati, “Tinikeni.”