Ifyebo Tubika pa Intaneti—Mulefibomfya Ilyo Muleshimikila
Mulelanga Abantu Adresi Yesu iya pa Intaneti: Abantu bamo abashimunuka ukulanda na ifwe nelyo ukupoka impapulo shesu, balasalapo ukufwailisha ifyebo pali ba Nte pa jw.org. Kanshi lyonse mule-ebako bambi ukuti tulabika ifyebo pa Intaneti.
Asukeni Ifipusho: Inshita shimo abene ba ng’anda nelyo abalefwaya ukwishibilapo na fimbi pali Baibolo nangu abantu abo twaishibana nabo, kuti baipusha icipusho pali ba Nte nelyo pa fyo twasuminimo. Balangeni icasuko apo pene fye ukubomfya Intaneti pa foni nelyo pa kompyuta. Nga nababikapo amalembo ayo bashambwile, kuti cawama ukuyabelenga ukufuma mu Baibolo. Nga tamukwete foni nelyo kompyuta pa kuti mubalange ifyebo tubika pa Intaneti, balondolweleni ifyo bengasanga ifyebo pa jw.org pa kuti baisangile ifyasuko.—Tinikeni palya balemba ati, “Amasambilisho ya mu Baibolo/Ifyasuko ku Fipusho fya mu Baibolo,” nelyo “Ba Nte/Amepusho Abantu Bepusha Sana.”
Tumeni Ifyebo Nelyo Ulupapulo ku Muntu Mwaishiba: Ilyo muletumina abantu ifyebo fimo pa Intaneti kuti mwakopololako no lupapulo ulwaba mu musango wa PDF nelyo EPUB no kubatumina kumo ne fyebo mwabalembela. Nangu kuti mwabakopolwela ulupapulo no kubika pa CD. Lyonse ilyo mwatumina umuntu uushabatishiwa ulupapulo lonse fye pa Intaneti, nampo nga citabo, broshuwa, nelyo magazini, kuti mwalemba pali lipoti ukuti mwalishalika ulupapulo. Mufwile ukulembapo ishina lyenu pa kuti abo muletumina bamwishiba kabili tamufwile ukutuma ifyebo ifingi pa muku umo. Tekwesha ukubika ifyebo pali adresi imbi iya Intaneti.—Tinikeni palya balemba ati, “Impapulo.”
Lekeni Babelenge Ifilecitikila ba Nte: Nga twalanga amasambililo ya Baibolo na bantu bambi abo tuleshimikila ifilecitikila ba Nte, cikabafwa ukwishiba bwino umulimo tubomba mwi sonde lyonse e lyo ne fyo twaikatana. (Amalu. 133:1)—Tinikeni palya balemba ati, “News,” mu ciNgeleshi.
[Icikope pe bula 5]
(Nga mulefwaya ukumona Icikope, moneni muli magazini)
Esheniko
1 Tinikeni palya balemba ati, “Impapulo,” fwayeni ulupapulo mulefwaya ukukopolola, kabili tinikeni pe samba pa kuti musale nampo nga mulefwaya ulupapulo lube ulwa kukutikako nelyo ulwa kubelenga.
2 Tinikeni palya balemba ati, MP3 pa kuti mumone imitwe iyapusanapusana ili mu lupapulo. Tinikeni pa mutwe we lyashi mulefwaya ukukopolola nelyo tinikeni aka ▸ nga mulefwaya ukukutikako.
3 Nga mulefwaya ukukopololako ulupapulo mu lulimi lumbi, kuti mwasala ululimi mulefwaya. Tinikeni palya balemba ati, “Ululimi”