Ifyebo Tubika pa Intaneti—Mulefibomfya ku Kwafwa Abalanda Ululimi Lumbi
Balangeni Ifyebo Tubika pa Intaneti: Balangilileni palya balemba ati, “Ululimi” pa kuti bamone ifyebo mu lulimi lwabo pa Intaneti. (Mu ndimi shimo, te mpapulo shonse nelyo ifyebo fyonse mwingasanga pa Intaneti.)
Balangeni Ifyebo mu Lulimi Lwabo: Balangeni ifyebo fimo mu lupapulo lwesu ululi lonse. Ku ca kumwenako, balangeni ifyebo mu citabo ca Baibolo Isambilisha nelyo trakiti itila Bushe Kuti Mwatemwa Ukwishiba Icine? Saleni ululimi ulo abene ba ng’anda balanda palya balemba ati, “Belengeni mu.”
Lekeni Bakutike ku Fili mu Lupapulo: Fwayeni ulupapulo ulo bakopa amashiwi mu lulimi lwabo, kabili lekeni bakutikeko. Nga mulesambilila ululimi lumbi, mukeshiba bwangu ulo lulimi nga ilyo mubelenga muleya mulekutika ku mashiwi bakopa.—Tinikeni palya balemba ati, “Impapulo/Ifitabo na ma Broshuwa” nelyo palya balemba ati, “Impapulo/Ama magazini.”
Shimikileni Bankomamatwi: Nga mwasanga nkomamatwi, saleni fimo ukufuma mu citabo, broshuwa, trakiti nelyo icipandwa ca mu Baibolo mu lulimi lwa bankomamatwi no kumutambishako.—Tinikeni palya balemba ati, “Impapulo/Ululimi lwa Bankomamatwi.”
[Icikope pe bula 6]
(Nga mulefwaya ukumona Icikope, moneni muli magazini)
Esheniko
1 Tinikeni aka ▸ pa kuti mukutike ku lupapulo bakopa ulo musalile, (nga e ko lwaba mu lulimi lwenu) e lyo nga mulefwaya ukukopololako, tinikeni palya balemba ati, “MP3” nelyo “AAC.”
2 Saleni ululimi lumbi palya balemba ati, “Belengeni mu” pa kuti mumone ifyebo mu lulimi mulefwaya.
3 Tinikeni palya balemba ati, “Icikonkelepo” nelyo “Ifilimo” pa kuti mubelenge icipandwa na cimbi.