Imilimo ya Nte sha kwa Yehova Muno Nshiku

Norway

Elenganyeni muleshimikila mu calo umwaba babemba, impili, amenshi makasa, imfula yabuuta, inama sha masengo ayakalamba, umo ulubuuto lusanika mu nshita ya mpepo nangu ca kutila takuba akasuba. Ifi e fyaba icalo ca Norway. Belengeni ifyo bamunyinefwe baleya mukushimikila abantu baleikala ukutali. Belengeni pali munyinefwe aile mu kulongana ninshi tafwele insapato. Belengeni ne fyo bamunyinefwe bali aba citetekelo kabili abashipa ilyo balebacusha kuli baNazi.

Rwanda

Ukutemwa kwa cine uko Yesu atile e cishibilo ca kuti tuli basambi bakwe, kulamoneka sana nga twabelenga ilyashi lya pali bamunyinefwe mu Rwanda. Ilyo abena Rwanda bapatene sana no kutendeka ukwipayana, bamunyinefwe baibikile mu kapoosa mweo ukucingilila bamunyinabo aba mitundu imbi. Belengeni lyashi ililelanda pa fyo bashipikishe ilyo balebacusha na lintu bababindile ukupepa, e lyo ne fyo batwalilile ukuba aba cishinka ilyo kwali amafya, amesho ne fya kutiinya.