Bushe Abantungulula mu cilonganino ca Nte sha kwa Yehova balafolelapo?

Inte sha kwa Yehova bakonka ifyo icilonganino ca Bena Kristu ba kubalilapo cali. Tabakwata amalekano aya kuti aba ni bashimapepo e lyo aba bantuuntu fye. Bonse ababatishiwa balabombako umulimo wa kushimikila imbila nsuma no kusambilisha abantu. Mu cilonganino cimo na cimo ica Nte sha kwa Yehova muba abantu nalimo 100. Mu filonganino fyonse mwaliba abaume abaishiba sana ifya kwa Lesa ababomba nga “abakalamba,” nelyo baeluda. (Tito 1:5) Baeluda tabafola nakalya.