Ukubomfya Bwino Loleni!

ILYO ali ne myaka 16, Vanessa, Inte ya kwa Yehova mu United States, alembele lipoti wa ku sukulu pa mutwe waleti anorexia (ukukanalya pa kufwaisha ukonda). Atila, “nalifwailishe, lelo, nasangile fye ifyebo ifinono. Nalanshenye na bafyashi bandi pa lwa ici, kabili batubulwile ukuti mfwailishe pali uyu mutwe mu mpapulo shesu.”

Ukupitila mu kusokota mu mpapulo sha Nte sha kwa Yehova, Vanessa asangile ifyebo ifingi ifya kulemba muli lipoti wakwe. Atila: “Lelo, apa te papwilile umulimo napeelwe. Nali no kulanda na kuli bakafundisha na bana be sukulu 20!” Bushe Vanessa ali no kubomba shani uyu mulimo wayafya?

Nge Nte sha kwa Yehova mu fyalo fyonse pe sonde, Vanessa alakanshiwa ifya kulanda ku cintubwingi mwi Sukulu lya Butumikishi ilya Bulesa ilitungululwa pa Ng’anda ya Bufumu. Vanessa atila “Ukupitila muli ili sukulu, tulaipekanya bwino ukuya mu butumikishi no kulanda na bambi. Tulafundwa na pa co tufwile ukubombelapo pa kuti abantu baleumfwikisha ifyo tulelanda.” Cinshi cafumine mu kubombesha kwa kwa Vanessa ukwa kulemba lipoti wakwe uwa ku sukulu? Atila: “Nakwete amatoni ya pa muulu ukucila bonse.”

Vanessa ni umo pa bacaice ababomfya bwino impapulo shilanda pali Baibolo no kukonka bwino ukufunda kumbi ukwa ku mupashi. Abaice ba musango yo bafwile ukutashiwa, pantu balekonka ukukonkomesha kwaba pali Lukala Milandu 12:1 apatila: “Lelo ibukisha Kalenga obe mu nshiku sha bulumendo bobe.”