Watchtower LAIBRARE YA PA INTANETI
Watchtower
LAIBRARE YA PA INTANETI
Cibemba
  • BAIBOLO
  • IMPAPULO
  • UKULONGANA
  • g 10/07 ibu. 3
  • Fwayeni Abengamupandako Amano

Vidio mulefwaya tamuli

Mukwai yafilwa ukutambika

  • Fwayeni Abengamupandako Amano
  • Loleni!—2007
  • Ifipalileko
  • Ifilanda “Impanda Mano” pa fya Kukusha Abana Tafitwalilila Ukubomba
    Ulupungu lwa kwa Kalinda—2006
  • Uko Mwingasanga Amano Yene Yene pa fya Kukusha Abana
    Ulupungu lwa kwa Kalinda—2006
  • Cinshi Tulingile Ukulafwaila Ukuti Baletupandako Amano?
    Ulupungu lwa kwa Kalinda (Ulwa Kusambililamo)—2025
  • Ifyo Twingacita pa Kupanda Abantu Amano
    Ulupungu lwa kwa Kalinda (Ulwa Kusambililamo)—2025
Moneni na Fimbi
Loleni!—2007
g 10/07 ibu. 3

1

Fwayeni Abengamupandako Amano

Mulandu nshi ici cacindamina? Ilyo abafyashi baikata umwana cilya afyalwa fye, balomfwa bwino e lyo pa nshita imo ine balasakamana. BaBrett, abafyashi abaume abekala ku Britain batile: “Nalyumfwile bwino sana ilyo umwana wandi afyelwe. Lelo pa nshita imo ine natontonkenye nati umulimo nalakwata wakulisha kabili naletwishika nga nkamusunga bwino.” BaMonica, abekala ku Argentina, batile: “Naletontonkanya nati limbi nkalafilwa ukupeela umwana wandi fyonse ififwaikwa. Naleyipusha nati, ‘Bushe nkamukusha fye bwino?’”

Bushe na imwe ukukwata abana kulamuletela insansa no kumusakamika pa nshita imo ine? Te ca kutwishika ukutila ukukusha umwana mulimo ukalamba lelo uusuma, kabili nangu wingalete cifukushi mulimo uumfwika bwino uo umuntu engaipakisha. Nga fintu umufyashi umo umwaume asosele, “umwana tumukusha fye umuku umo, ifyo mwamukusha ninshi e fyo akaba.” Apo ifyo abafyashi bakusha abana e filanga sana ifyo umwana akaba, e lyo ne fyo ubumi bwakwe bukaba, mwe bafyashi kuti mwafwaisha sana ukwishiba uko mwingapandwa amano yasuma pa fyo mwingakusha abana benu.

Icilenga ici ukwafya: Cimoneka kwati umuntu fye onse kuti afunda umunankwe ifya kukusha abana. Kale, abantu nga bakwata umwana, pa kumukusha balekonka ifyo abafyashi babo babakushishe nelyo ifyo balesambilila ku mapepo. Lelo mu fyalo ifingi, indupwa shileonaika kabili abantu tabalecetekela ne fyo bashimapepo basambilisha. Ici calenga abafyashi abengi ukulaya mu kupandwa amano ku bantu bambi fye abasambilila ifyo abafyashi bengakusha bwino abana. Fimo ifyo ishi mpanda mano shilanda fya mano. Lelo fimo tafilondoloka kabili limo papita fye inshita inono abafyashi bafisuula no kufisuula abati nafileka ukubomba.

Icingamwafwa: Umfweni ukupanda amano kwa Muntu uwaishiba sana ifya kukusha abana. No yu muntu ni Yehova Lesa, Kalenga wa bantu. (Imilimo 17:26-28) Icebo cakwe, Baibolo calilondolola ifyo mufwile ukucita kabili calikwata ne fya kumwenako ifingamwafwa ukukusha bwino abana. Yehova alaya ukuti: ‘Nkakupanda amano na menso yandi pali iwe.’—Amalumbo 32:8.

Finshi Lesa afunda abafyashi ifingabafwa ukukusha abana ba nsansa?

[Amashiwi pe bula 3]

“Tetekela Yehova no mutima obe onse, na ku kwiluka kobe we mwine wishintililako.”—Amapinda 3:5

    Impapulo sha mu Cibemba (1982-2025)
    Isaleni
    Isuleni
    • Cibemba
    • Peleniko Bambi
    • Ifyo Mwingasala
    • Copyright © 2025 Watch Tower Bible and Tract Society of Pennsylvania
    • Ifya Kubomfya
    • Amafunde Yesu
    • Privacy Settings
    • JW.ORG
    • Isuleni
    Peleniko Bambi