ISAMBILILO 14

Ifibusa fya kwa Lesa Filataluka ku Fyabipa

Satana alatunka abantu ukucita ifyabipa. Umuntu uulefwaya ukuba cibusa wa kwa Lesa afwile ukupata fintu Yehova aapata. (Amalumbo 97:10) Ifibusa fya kwa Lesa filataluka ku fintu ifyakonkapo:

Things that Jehovah hates include sexual sins, drunkenness, abortion, thievery, lying, uncontrolled anger, and gambling

Bucisenene. “Wilacita bucende.” (Ukufuma 20:14) Kabili calilubana ukulaala no muntu ilyo mushilaupana.—1 Abena Korinti 6:18.

Ukukolwa. “Abakolwo bwalwa . . . tabakapyane ubufumu bwa kwa Lesa.”—1 Abena Korinti 6:10.

Ukwipaya, Ukuponye Fumo. “Wilatala misoka [“wilaipaya,” NW].”—Ukufuma 20:13.

Ubupupu. “Wilaiba.”—Ukufuma 20:15.

Ubufi. Yehova alipata “ululimi lwa bufi.”—Amapinda 6:17.

Ulukaakala ne Cipyu Icacishamo. “[Yehova] apato . . . watemwo [lukaakala, NW].” (Amalumbo 11:5) “Imilimo ya bumubili . . . [isanshamo] icipyu.”—Abena Galatia 5:19, 20.

Ifyangalo fya cela mushuke. “Mwiyampana na muntu . . . nga abo . . . uwa lunkumbwa.”—1 Abena Korinti 5:11.

Ukupata Imishobo ne Mitundu Imbi. “Temweni abalwani benu, pepeleni abamulamata.”—Mateo 5:43, 44.

Ni fwe tumwenamo mu fyo Lesa atweba. Te lyonse cayanguka ukutaluka ku fyabipa. Yehova ne Nte shakwe kuti bamwafwilisha ukutaluka ku fintu fifulwisha Lesa.—Esaya 48:17; Abena Filipi 4:13; AbaHebere 10:24, 25.