Icipande 1

Abaume Na Banakashi

Tutile wamona umulumendo no mukashana pa sukulu bale-enda, nabekatana, kuti waumfwa shani?

□ Tapali ifyo ningomfwa

□ Kuti nakumbwa panono

□ Kuti nakumbwa sana fye

Tutile wile ku fyangalo na banobe, e lyo wamona fye ukuti bonse bali babili babili, umulumendo no mukashana, ni we fye uli weka! Kuti waumfwa shani?

□ Tapali ifyo ningomfwa

□ Kuti naumfwa insoni

□ Kuti nakumbwa sana

Tutile umunobe watemwana nankwe sana nafwaya umulumendo nangu umukashana kabili baleishishanya. Kuti waumfwa shani?

□ Kuti natemwa

□ Kuti nakumbwa panono

□ Teti ng’umfwe bwino

Konse uko walolesha, kuli umulumendo no mukashana babili babili. Cibe ni ku sukulu, mu musebo, nangu ni ku maliketi, konse fye cimo cine. Kabili lyonse fye ilyo wabamona, limbi na iwe ulakumbwa sana ukukwatako uo wingalaishishanya nankwe. Nomba bushe naukula uwa kuti utendeke ukwishisha? Nga naukula kuti wacita shani pa kuti usange uukulingile? Nga wamusanga, kuti wacita shani pa kuti muleishishanya fye bwino ukwabula ukuti mulufyanye? Ifipandwa 1 ukufika ku 5 fili no kukwafwa ukusanga amasuko kuli aya mepusho.

[Icikope pa mabuula 12, na 13]