“Nkamulonganika”—Yehova Alaya Ukubwesha Ukupepa Kwasanguluka

Mu Israele mulecitika sana ifyabipa, abantu nabaleka ukuba abaikatana pa mulandu wa busangu. Ifyabipa filebacitikila pa mulandu wa kuti balikowesha ukupepa ukwasanguluka, kabili balisaalula ishina lya kwa Lesa. Ilyo ifyabipa filebacitikila, Yehova alenga Esekiele ukusesema ifyalalenga abantu babe ne subilo. Yehova abomfya ifilangililo ne fimonwa fya kupapusha pa kukoselesha abena Israele na bonse abafwaisha ukumona ukuti ukupepa kwasanguluka kwabako na kabili.