CINSHI BAIBOLO ISAMBILISHA?

Bushe Satana Kaseebanya ni nani?

BUSHE KUTI MWATILA Satana . . .

• Muntu uushimoneka

• Bubifi ububa mu muntu

• Muntu wa kwelenganya fye

IFYO BAIBOLO ILANDA

Satana alilanshenyepo na Yesu kabili ‘alimutunkilepo’. (Mateo 4:1-4) Kanshi Satana te muntu wa kwelenganya fye kabili te bubifi ububa mu bantu. Mupashi uwabipa.

FINSHI FIMBI TUSAMBILILA KU FYO BAIBOLO ILANDA?

• Ilyo Lesa amubumbile, Satana ali ni malaika umusuma, lelo “tatwalilile mu cine.” (Yohane 8:44) Aishileba uwa bufi kabili alipondokeele Lesa.

• Bamalaika bambi nabo balipondokeele Lesa nga filya Satana acitile.—Ukusokolola 12:9.

• Satana alapofwisha abantu abengi ukufika fye na lelo.—2 Abena Korinti 4:4.

Bushe Satana alalenga abantu balecita ifyo alefwaya?

ABANTU BAMO BATILA Satana Kaseebanya te utunka abantu, e lyo bambi nabo balatiina sana imipashi yabipa. Inga imwe finshi mwaishibapo?

IFYO BAIBOLO ILANDA

“Icalo conse calaala mu maka ya mubifi.” (1 Yohane 5:19) Satana alikwata sana amaka ya kutungulula abantu, na lyo line, te bantu bonse atungulula.

FINSHI FIMBI TUSAMBILILA KU FYO BAIBOLO ILANDA?

• Satana alaifungushanya pa kuti alelufya abantu abengi.—2 Abena Korinti 11:14.

• Inshita shimo imipashi yabipa ilatungulula abantu.—Mateo 12:22.

• Lesa kuti amwafwa “ukukaana Satana Kaseebanya.”—Yakobo 4:7.