Isukulu lya Butumikishi bwa Teokrasi Ilya 1998

Ukupita mu sukulu cipilibula ukuba “uwasambilishiwa nelyo uwapampamikwamo ukwishiba kwa kulungatika nelyo ukulamuka.” Ukupitila mu Isukulu lya Butumikishi bwa Teokrasi, tulakanshiwa lyonse mu kwishiba pa lwa kwa Lesa. Na kabili, ukulandako kwesu muli ili sukulu kulatusuminisha ukulundulula ukulamuka mu kulanda na mu kusambilisha. Programu we sukulu uwa 1998 akatupeela amashuko ayengi aya kutwala pa ntanshi ukulunduluka kwa ku mupashi.

Ilyo mulelanguluka ukutantika kwe sukulu ukwa mwaka uleisa, muli no kumono kuti, icitabo ca Insansa sha Lupwa nacisanshiwa mu fili no kusambililwa mu 1998, kabili mu Amalyashi Na. 3 na Na. 4 e mo cikalabomfiwa panono panono. Lintu Ilyashi Na. 4 likalashimpwa pa citabo ca Insansa sha Lupwa, munyina alingile ukulilanda nge lyashi ku cilonganino. Kabili, ica kucinkulako ca kuti, takuli nangu umo muli programu we sukulu uulingile ukulye nshita.

Ulubali Ulupya: Pa kuti twingamwenamo pa lwesu, “Ukutantika kwa Kubelenga Baibolo Ukwalundwapo” nakubikwa mu fya kwisalila [] pa numa fye ya nambala ya lwimbo mu mulungu umo umo. Nangula takuli amalyashi muli programu we sukulu uwa cila mulungu ayashimpilwe pali kwene, cipangeni ubuyo bwenu ukulakukonka. Ici cikamwaafwa ukubelesha ukulabelenga Baibolo cila bushiku nga ca kuti kale kale tamucite fyo.

Ku fyebo fyalundwako pa lwa kupeelwa amalyashi, ukufunda, no kupitulukamo kwa kulemba, twapaapaata belengeni mu kusakamanisha amakambisho ayali mu “Ukutantika Isukulu lya Butumikishi bwa Teokrasi Ukwa 1998,” e lyo na pe bula 3 ilya Ubutumikishi Bwesu Ubwa Bufumu ubwa October 1996.

Nga ca kuti tamulalembesha mu Isukulu lya Butumikishi bwa Teokrasi, tulemulaalika ukulembesha nomba. Ili isukulu lyaibela litwalililo kubomba umulimo wacindama mu kukansha ababomfi baicefya kabili abaipeela aba kwa Yehova ukuti bengacilapo kuipangasha bwino nga abatumikishi bakwe.—1 Tim. 4:13-16.