Tulefwaya Tukafike 100,000!

Iyo e mpendwa ya bakasabankanya twingatemwa ukumona bacita lipoti mu Zambia mu August 1998. Bushe kuti twafikapo? Ee! Icipendo ca nomba ica filonganino mu fitungu 9 cilelangilila ukuti bakasabankanya bali 109,809. Nangu cibe fyo, icipendo ca pa muulu ica bacitile lipoti mu mweshi umo na umo cali 96,686, mu August 1997. Bushe ni shani twingacila pali ico cipendo ca pa muulu? Kuti twacilapo nga ca kuti kasabankanya umo na umo mu cilonganino apekanya ukubombako mu butumikishi mu mweshi wa August no kucita lipoti mu nshita. Apo inshiku shibili isha kubalilapo isha mweshi shikaba ni pa Cibelushi na pa Mulungu, mulandu nshi mushingapekanishisha ukubombako mu mulimo wa mwi bala ukutendeka pa mpela ya mulungu ulya? Mu mulungu mukasangwa kwi bungano, kuti mwacitako ubunte bwa mu lyashi mu musumba ibungano likabela. Ukupitila mu kubangilila ukutendeka ukushimikila mu mweshi, tatwakafilwe ukupoosako inshita mu mulimo wa kushimikila mu August. Mu kuba no kubombesha kwesu bonse, tufwile tukamone icipendo cipya ica pa muulu ica bakasabankanya icikacila pali 100,000 umuku wa kubalilapo mu Zambia. Fintu ico cikaleta ilumbo kuli Yehova!—Ilu. 47:1.