Twalicila Pali 100,000!

Mu Ubutumikishi Bwesu Ubwa Bufumu ubwa July batukoseleshe ukuti “Tulefwaya Tukafike 100, 000!” E fyacitile bakasabankanya 104,096 abacitile lipoti. Uku kwingilishiwako kwa bakasabankanya 7,410, nelyo amaperesenti 5 ukucila pa cipimo ca pa muulu ica mu August 1997. Tulepepa ukuti Yehova akatwalilile ukupala ukubombesha kwesu ukushimikila Ubufumu bwakwe.

Baeluda, ababomfi batumikila, kumo na bakasabankanya bonse balekoseleshiwa ukutontonkanya pa kubombesha kwaliko pa kufika pali ubu buyo. Nomba natucila pali bakasabankanya 100,000 mu filonganino. Kabili na bambi bacili baleisa cila mweshi ilintu tuletwalilila ukubomba ubutumikishi bwino. Nangu cibe fyo, pa kuti kukabe na kumbi ukulunduluka, tulekabila ukuteyanya bwino umulimo wa mwi bala, e lyo no kwaafwa mu cikuuku abalekabila ukwaafwiwa. Tuletetekela ukuti ipaalo lya kwa Yehova ilyacindamisha likatwalilila ukuba pali uku kulunduluka.—1 Kor 3:7.

Nga ca kuti baeluda na babomfi batumikila, maka maka ba katungulula aba Masambililo ya Citabo pa Cilonganino, e lyo na bakasabankanya bakosoka na bapainiya batwalilila uku kubombesha kwaibela nge fyo babombele mu August, ipaalo lya kwa Yehova icine cine likatwalilila ukumoneka mu kwingilishiwako kwa bakasabankanya. Inshita shimo icifwaikwa fye kucinkulako bonse ukubombako umulimo wa kushimikila kabili no kubacinkulako ukuleta amalipoti. Imitubululo yali mu ca mu kati ica November 1998, icaleti “Bombeni Bwino mu Butumikishi Bwenu,” ifwile ukutwaafwa ukuwamyako imibombele yesu no kutupeela insansa na shimbi ilyo mu kubombesha kwesu mwafuma ifisuma.